تجربتي لقدمين خاليه من التشققات في اسبوع

السلام عليكم ي حلوييين..


يارب تكونوا في أتم الصحة والعافية يارب

حابه أشارككم تجربتي في التخلص من الخشونه والتشققات أسفل القدمين.. الحمد لله تخلصت منها بنجاح وفي مدة قصيره جدا..

الطريقة سهلة جدا كل اللي تحتاجينه..

1-كريم انرجي للقدمين



2-مبرد القدمين وأنا استخدمت اللي من بودي شوب ومو مشكله اي مبرد



3- مويه دافيه


الطريقة..

يومــيا قبل النوم تنقعي رجلك في الماء الدافئ لمدة 10 دقايق.. أو 5.. وبعدها تحطي الكريم.. وتربطي بلاستيك على رجلك أو تغطيها بنايلون.. أنا كنت اربط أكياس :42:
أنام فيها وبس أصحى أنقعها في مويه دافيه 5 دقائق وبعدها أفركها بالمبرد وحيطلع لك قشور والجلد كلو يطيح قدام عينك .. وتعيدي الموضوع أنا كان يناسبني قبل النوم أحطه..
وتقدري ماتغطيها بكيس بس النتيجه أسرع وأفضل بالكيس وعن تجربه.. من ثاني يوم تقريبا بتطلع القشور وخلال اربع ايام تحسن جدا جدا ملحوظ ورجل بتصير نااااعمه..

طبعا ماتستخدميه الا ع أسفل القدم لانه قوي جدا .. وبعد ماتوقفي استعماله حافظي ع النتيجه بالترطيب المكثف..

انا ارطبها بجليسوليد وزيت اخلطهم مع بعض..

الأسئلة المتوقعه..

كم سعر الكريم؟؟
30 ريال مايتعداها..

فين ألقاه؟
اشتريته من الدانوب.. وممكن تلاقوه في كارفور.. الدانوب.. متاجر وطني.. وممكن في الصيدليات

عادي استخدمه يقشر قدمي بالكامل؟
انا عن نفسي استخدمته وقشر السمار اللي بالاصابع.. بس بعدها لازم ترطيبه مكثف بس انا جازفت واستخدمته ما ادري اذا يناسب غيري.


يارب أكون أفدتكم.. ودعواتكم لي بالوظيفه.. وللأمة الاسلامية ربي يعجل نصرها :26: