السلام عليكم ورحمة الله وبركاته
لكل الغاليات زائرات هذا القسم
راح اخبركم بقصتي وقصة اخت زوجي وكمان اخت جارتي مع الحمل الاول وعلاقته بالحاله النفسيه وباذن الله تبعث لكم التفائل
اولا قصتي وهي اقصر من ناحية مدة تاخر الحمل
ضليت بعد زواجي سنتين .........بصراحه هي مده قصيره لكن تعرفون الحريم كل مره اسافر عند اهلي بالرياض اقابل انواع الدقات والتلميحات وكان اغلبها من اقارب زوجي مثل زوجات اخوانه ومن اخواته
بعكس امي اللي ماكانت تبيني احمل كانت تقول ارتاحي كم سنه وتهني بس مجرد ما اروح لاقارب زوجي ينكدون علي ..مع العلم اني رحت المستشفى وطلع عندي هرمون الحليب زايد وقعدت على العلاج سنه لين كرهت حياتي لانه مره متعب يجيب الغثيان ودوخه ماتتخيلون
المهم بعدين بصراحه مليت قلت لزوجي هالعطله ما ابي نروح الرياض بكلم امي واقولها تجيني قلتله ابيها تتعرف على بيتي .......مع العلم ان السبب كله عشان ما اشوف الحريم اللي يحطموني كل ما اقابلهم
وجتني امي وضلت عندي شهر والله يابنات احلا شهر بحياتي واي وحده تدق على جوالي اعرف انها بتفتح سالفة الحمل ما ارد عليها لا وبعد تركت العلاج عشان ما اتعب قدام امي واتعبها معاي
طبعا الدوره جتني قبل لا تجي امي وضلت عندي شهر والله يا بنات ماعاد شفتها وسافرت امي من هنا ورحت المستشفى اليوم الثاني وطلعت حامل سبحان الله
ومثل قصتي اخت زوجي بس هيه ضلت خمس سنوات ماخلت شي الا سوته وبعدين سمعت خبر حملها
ودقيت ابارك لها وسبحان الله قالت لي هذا الشهر بالذات كنت مستعده للدوره وقلت بنفسي ماراح ابكي وازعل اذا جتني وكنت مرتاحه نفسيا لانو في هذاك الشهر زوجها اخيرا لقاله وضيفه حكوميه وكانت مرتاحه نفسيا
والقصه الاخيره قصت اخت جارتي طبعا هيه اطول مده لانها ضلت 15 سنه وكان وراثيا عندهم تنقطع الدوره بعد 35 سنه
فهي خلاص ماعاد فكرت بالحمل وحاولت تشغل نفسها وتكفلت بتجهيز ملكت اختها وحملت وهي تجهز لاختها بس تخيلو ماراحت المستشفى ولا عرفت بالحمل الا بالرابع لما تحرك الجنين لانها كانت تتوقع انو خلاص الدوره انقطعت عنها لان امها وخالاتها واخواتها الكبار كلهم كذا بعد 35 سنه تنقطع عنهم الدوره
حتى اختها واللي هيه جارتي حملت بعد 4 سنوات وكانت متزوجه وعايشه مع اهلها لانها كانت تكمل الجامعه
ولنا قرر زوجها ياخذها معه لانو كان بمنطقه ثانيه تركت الادويه اللي كانت تستخدمها لانها خافت تحمل في ذي الفتره وهي كانت مره مشغوله بالتاثيث وترتيب البيت وسبحان الله حملت
يابنات الحاله النفسيه هي احد اسباب الحمل والمسبب هو الله عز وجل
طولت عليكم بس حبيت ابعث في نفوس المتاخرات بالحمل امل وتفائل لاني جربت معاناتهم من كلام بعض الناس اللي كل همهم فلانه حملت والا باقي
يارب ادعوك في هذه الساعه من يوم الجمعه ان ترزق بنات حواء الذريه الصالحه
ااااااااااااااااااااامييييييييييييييييييييييييين
مون غامد @mon_ghamd
محررة برونزية
يلزم عليك تسجيل الدخول أولًا لكتابة تعليق.
Al7aaan
•
جزاك الله خير ويسر لك حملك وولادتك
رااويه
•
اول شي الله يتمم حملك و يقومك بالسلامه يارب
و معك حق انا متاكده مليوووون بالميه ان النفسيه لها دور باشياء كثير ,,
اعرف وحده نفسك .. عندها هرمون الحليب مرتفع .. و ماصار حمل و كل دوره تجيها الله لا يوريك ماتبين تشوفيها .. المشكله انها تفكر كثير خصوصا ان زوجها عنده اولاد من قبل ..
حتى الدكتوره قالت لها انتي مافيك شي بس اتركي التفكير ..
بوريها موضوعك يمكن ترتاح
الله يرزقها يااارب و كل من تبي الحمل ..
و معك حق انا متاكده مليوووون بالميه ان النفسيه لها دور باشياء كثير ,,
اعرف وحده نفسك .. عندها هرمون الحليب مرتفع .. و ماصار حمل و كل دوره تجيها الله لا يوريك ماتبين تشوفيها .. المشكله انها تفكر كثير خصوصا ان زوجها عنده اولاد من قبل ..
حتى الدكتوره قالت لها انتي مافيك شي بس اتركي التفكير ..
بوريها موضوعك يمكن ترتاح
الله يرزقها يااارب و كل من تبي الحمل ..
الصفحة الأخيرة