تجربتي للتخلص من حب الشباب

السلام عليكم ورحمه الله وبركاته
أهلين حبيباتي أخباركم أن شاءالله الكل بخير
كنت حابه يكون اول موضوع لي مرتب وفيه صور وعن طريق الابتوب بس للاسف خرب بوقت غلط
بس حبيت انزل الموضوع لان واثقه الكل يعاني الفتره هذه منه وكنت منهم
وهو حب الشباب
وطبعاً بالانستغرام بعض متابعاتي جربوه ومدحوا مو بس تجربتي
الله يسلمكم
قبل فتره كم سنه استعملت الروكتان واستانست انه اختفى بس بعدها بكم شهر طلع لي ورجعت استعملت روكتان واستانست سنتين
وعقبها رجع حب الشباب والحب كان عباره عن دمامل مو حب طبيعي
ولما رجع رحت كل المستشفيات وطلبوا استعمل روكتان وطبعاً رفضت لان ع انه له فوايد للبشره بس له مضار وللاسف شفت المضار واغلبها فيني لين الحين
وبين كريمات ومضادحيوي والخ مااستفدت شي وبشرتي كل ماهذا وهي تتدمر زياده
الا على حظي الحلو ولله الحمد
وقتها جتنا خدامه جديده وماشاءالله بشرتها تجنن
وقالت ان بشرتها كانت مثلي واستعملت عشبه وصفت بشرتها صفاء مو طبيعي ماشاءالله
واغلب اللي بديرتها يستعملونها

هي تقول شافت نتيجه خلال اربع ايام
بس انا شفت النتيجه الفتاكه خلال اسبوعين
والحلو فيها ان رخيصه وماتكلف شي بس نتايجها سحريه ماشاءالله
طولت عليكم
الخلطه عباره عن :
عشبه نيم (تشتري من عطار ثقه ) سعرها ٥ ريالات
كركم سعرها١٠ ريالات
وعصير ليمون ( اللي تتحسس منه تغيره )
تخلط وتنحط على الوجه نص ساعه
وتغسل وتحطين التونر والكريم
تستعمل يومياً لتنايج حلوه وبعدها تستعمل مرتين بالاسبوع
اللي ماعندها حبوب تنفع معها لانها تنظف الوجه وتنقيه
أتمنى تعجبكم الخلطه ولاتنسوني من دعواتكم
وربي لما شفت نتايجها قلت ماشافها احد كثير بالانستغرام خليني افيد البنات بحواء
واذا عجبتكم الخلطه عندي كم خلطه للشعر نتايج تجنن للتطويل ووقف التساقط بإذان الله