تجربتي للتلقيح المجهري عند الدكتور نجيب ليوس

بسم الله الرحمن الرحيم
عرفت عن الدكتور من وحده من صديقاتي رحت للعياده وسويت فحوصات طبعا لي ولزوجي زوجي كان عنده ضعف وتحدد انه لازم تلقيح مجهري وعطاني مضادات وتحاليل لازم اسويها انا وزوجي وقالو على الدوره الجايه اول يوم او ثاني يوم الحضور للعياده عشان نبدا البرنامج وانا لاني مو من الاردن ثاني يوم حضرت دخلوني وسو لي اشعه صوتيه عشان يحددون لي جرعه النمشط وشافه الدكتور وعطاني مبدئي اقل جرعه لان الضعف من زوجي 2بودره واحد مويه بالعضل وابره تحت الجلد عشان مايحدث فرط اباظه لمده خمس ايام واخذوني لغرفه ثانيه قاسو فيها الزاويه الي راح يكون فيها الترجيع وبعدها استمريت على الابر وقالوا اشربي حليب وكولي بياض بيض قد ماتقدري وراجعتهم بعد خمس ايام طبعا دخلوني وجهزوني الممرضات وجاء الدكتور شاف الاشعه وزاد لي الجرعه 3بودر و2ماء مع ابر تحت الجلد وعطاني موعد ثاني للرصد الاباضه بعد خمس ايام ولما رجعت على الموعد نفس الشي جهزوني وجاء الدكتور وقاس حجم البويضات قال يبي لهم شوي وقال استمري على نفس الجرعه اربع ايام وبعدين موعد لما جيت على الموعد قال المقاس زين الحمدالله ووقف ابر المنشط وخلاني على ابر تحت الجلد لمده يومين وبعدها الابره التفجيريه تكون يوم الخميس الساعه 9 ويوم السبت الحضور لمستشفى الامل الدور الثالث الساعه 9صباحا صائمة انا وزوجي عشان يعطي العينه وصلت يوم السبت للمستشفى الساعه 9وجهزوني للعمليه الساعه 10كان التخدير عام الحمدالله ماحسيت بشي الا الساعه 12وهم يصحوني ولقيت زوجي عندي بالغرفه الي نومني فيها طبعا من صحيت وحسيت اني احسن رحت للعياده وعطوني ادويه استمر عليها وقالوا لي انهم سحبو مني 13بويضه بس عشان يتاكدون ان بها نواه وانه حصل بها تلقيح وعشان تحديد الترجيع لازم اتصل يوم الاثنين الساعه 10صباحا ورحت للبيت وارتحت ويوم الاثنين طوالي ادق عليهم قالو تلقح 5والساعه 11:30الترجيع تكونين بمستشفى الامل الدور الثالث والساعه 11وانا هناك وانتظرت حتى الساعه 2نادوني تجهزت ونمت على السرير طبعا عمليه الترجيع سهله لدرجه ماتحسين بشي كانه فحص نسائي ولا خللوني اشرب ماء كانت مثانتي فاضيه الحمدالله وجا الدكتور ورجع لي وخلوني نايمه على ظهري تقريبا نص ساعه وبعدين رحت للبيت كنت مستاجره شقه وقعدت لمده خمس ايام ورجعت للسعوديه كنت نايمه في السياره طبعا وقت الانتظار كان طوييييل وبعد 14يوم سويت التحليل بس الله ماكتب لي انهم يثبتون كانت النتيجه سلبيه الحمدالله على كل حال