صباح / مساء الورد
انا احب اجرب الصبغات على نفسي واخواتي كتيييييييييييير واكتر شيء اكره اني اسلم راسي لكوفيره لاانو غالبا الكوفيرات مايهتمو بجفاف الشعر او طريقة الصبغ اهم شيء عندهم انو يطلع اللون الي انتي طلبتيه وطبعا مااقصد كل الكوفيرات ولكن وجهة نظري .. فحبيت اني انزلكم موضوع من بعض تجاربي للصبغات ونفيد ونستفيد ..
اول لون راح ابدأ فيه اخدتو من كوفيره في احد المنتديات وبصراحة طلع شعري جووووونان وعملت اللون مرتين تقريبا ..
اول شي راح أذكركم بالصبغة المستخدمة .. والادوات المستخدمة ..:pinklove:
صبغة كولستون + قفازات + الصحن البلاستيك + فرش الصبغ
اللون الأول ..
بني شوكلاته + أشقر ثلجي فاتح ...
نوع الشعر ..
طويل لنص الظهر : 3 بني شوكلاته + 3 أشقر ثلجي فاتح
اقصر عند الكتف : 2 بني شوكلاته + 2 أشقر ثلجي فاتح
قصير : 1 بني شوكلاته + 1 أشقر ثلجي فاتح
البروكسيد او الاكسجين .. ادا ماكان مع نفس الصبغة تستخدمو 9 % لانو بيناسب كل انواع الشعر ويطلع اللون في وقت قصير ..
نبدأ بخلط الصبغة مع الاوكسجين الين تتخلط مزبوط مع بعض وتبدأي تقسمي شعرك وتحطي الصبغه بالفرشاه وبعد ماتخلصي تغطيه بكيس نايلون موجود في الصيدليات او محل التخفيضات ...
المدة : من النص ساعة الى 45 دقيقة .. ولكن على حسب نوعية الشعر وسمكه ..
بعد ماتغسلي شعرك بشامبو وتستشوريه النتيجة بتكون كداا :) ..
ودعواتكم .. :biggthump