كل عام وانتم بخير و ينعاد عليكم بخير
انا من الناس اللي عندهم معاناه مع حب الشباب
من الماسكات اللي جربتها ونفعتني هو ماسك الطين الهندي مع خل التفاح
ونفعني بشكل كبير وخففلي من الحبوب وصفالي وجهي
طريقة الاستخدام :
بعد ما اغسل وجهي بغسول مناسب لحب الشباب اخلط كمية متساوية من خل التفاح و الطين الهندي وضروري الخلط يكون بأدوات غير معدنيه * لازم غير معدنية *
واحط طبقه من الماسك على كل وجهي و انتظر 20 دقيقه او 15 دقيقه.
على علبة الطين مكتوب من 5-10 دقايق للبشرة الحساسة و للبشرة العادية من 15-20 دقيقة.
بتحسو بوخز اثناء وضع الماسك خاصه لما ينشف على الوجه واحتمال وجهكم يحمر
وبعد 30 دقيقه يروح الإحمرار
بالبداية كنت اخلط الماسك مع مويه خوفا من الخل و كان فيه نتيجه مرضية لكن الماسك ماكان ينخلط كويس نفس لما جربت اخلط الخل معاه
* الخل لازم يكون عضوي مو خل الاكل العادي انا حقي من الرمحين *
الريفيو عالماسك مره كثير ممكن تطلعون عليها بالمواقع
اعطي الماسك 10/10
مكان الشراء : موقع ايهيرب
السعر : 30 ريال للحجم الصغير ( 454 قرام ) و 48 ريال تقريبا للحجم الكبير ( 908 قرام )
انا عندي الكبير لان الصغير كان مخلص و الحمدلله ماندمت اني اخذت الكبير والان الاثنين مخلصين من الموقع
بس فيه تاجرات يوفروه بالانستقرام
كمية الطين تكفي استخدامات كثييييييييرة يعني بيعمر معاكم
صورة الطين :
أي استفسار تفضلو