تجربتي لليزر المنزلي فيلبس

أهلاً وسهلاً بالجميع ..
أسأل الله العظيم أن يجعل موضوعي فيه خير وفائده لكل الجميلات ..
أنا إنسانه قرأت وبحثت عن الليزر وشفت ناس تمدح وناس تذم فقررت اني أجرب بنفسي وحابه أنقل لكم تجربتي وأسأل الله التوفيق ثم دعوه صادقه في ظهر الغيب..
📌بالنسبه للطريقه الأستخدام موجود شرحها كثير واختيار الرقم يعتمد على لون البشره .
📌جسمي مااحتاج الحمدلله لجلسات كثيره تقريباً اربعه اشهر كل اسبوعين مره و راح يبقى معاك شعر لكن متفاوت ولا يلاحظ {شعر جسمي خفيف نوعاً ما وسواده عادي مو كثيف}

_ طبعاً إذا تحسبين انه نهائي خلاص ماراح تشيلين مستحيل بعد كل فتره راح يحتاج جسمك جلسه بالذات الساقين واليدين نفس العيادات رتوش و جلسات بعد كل فتره
📌(المنطقه الحساسه)
الشعر فيها يكون اغزر وكثيف يحتاج وقت اطول وضعف الوقت اللي يحتاج الجسم
يعني انا بدأت كل اسبوعين مره فتره و كان في تحسن بنسبة40% ووقفت فتره لان الحلق بالموس سبب اسمرار
بعدها رجعت لكن استخدمت مكينة براون للحلق وليس النتف وكانت النتيجه افضل بكثير من ناحية استجابة المنطقه لليزر ومن ناحية صحة الجلد لان الأمواس مشاكله كثيره ..
من اهم الأشياء اللي ممكن تساعدك الأستمرار ، لاتحطين الدرجه عاليه وتسبب لك حروق بالذات في المنطقه الحساسه
لتجنب ظهور حبوب عند ظهور الشعر في المنطقه استخدمي مرهم فيوسيدين (ابو اسد) اللي خطه احمر حتى بالنشره مكتوب انه يعالج هذي المشكله
الخلاصه:
*ممتاز ويغني اللي ماتقدر تروح عيادات .
*يحتاج استمرار وصبر .
*الحلق بالمكينه للمنطقه الحساسه قبل الليزر افضل من الأمواس .
*يفضل عدم استخدامه للشعر الوبري لان حلقه راح يطلعه كثيف .
لاتنسوني من دعواتكم 🌺