تجربتي لمدة اسبوع

مساء الخير اخواتي كيفكم عساكم بخير اجمعين


حبيت اكتب لكم تجربتي البسيطه ويارب تستفيدون مني زي ما استفيد منكم

انا سبق اني كتبت عن مشاكلي وشجاراتي مع زوجي وتونا ماكملنا سنة00 يعني تونا عشر شهور واتمشكل معاه على اقل شي بالاضافه اننا نسكن مع والدته فتزيد المشاكل نوعا ما واذا طلع لاصحابه امد بوزي الين يرجع اتهاوش وياه وننام منكدين يوميا

الاسبوع اللي راح حسيت نفسي اني تعبت من الهواش والصراخ وكثرة البكى قلت خلني اجرب اشتري دماغي على قولة اخواننا المصريين قلت اجرب من يوم السبت اطنش00 وما ادقق عشان مانتهاوش وبالاخير انا اللي اخسر واتنكد هو عادي بس انا نفسيتي تتاثر بسرعه 00 المهم جا يوم السبت ومشيت الامور تمام قال بروح لاصحابي قلت اوكي

هو استغرب موافقتي بس ماتكلم راح كالعاده يتمرن ثم يروح لاصحابه انا قعدت تابعت لي فيلم وقمت تحممت وكشخت ببقميص النوم وتعطرت وسويت لي كذا شغله بالبيت وسويت لي عشا واكلت وقعدت انتظره00 جا مبتسم وانا مو منكده سبحان اللي يخليني اتنكد كل يوم00 بس حطيت براسي مابي اتمشكل فعلا ماتمشكلت:) ونمنا بكل هدوء على الرغم ان حتى نومنا بالهواش لانه يحب السهر ولا يصحى لدوامه بسهوله واقعد اعصب ابيه ينام وهو يعاند00
اليوم الثاني مر النهار كالعاده ويوم جا الليل قال بروح لربعي قلت اوكي حبيبي طارت عيونه وانا عادي قال بتعشى معاهم قلت اوكي بالعافية قال اجيب لك شي قلت لا بسوي لي عشا00 وراح يتمرن مع اصحابه وعلى اساس بيروح القهوه ما اشوفه الا اتصل وقال انا بجي البيت ايش تبين عشا00 مره انبسطت بس قلت له بجهز عشا بالبيت00 والله يابنات اني ارتحت نفسيا كثير وصرنا ننام بكل هدوء والحمد لله

ومر الاسبوع بكل سلاسه وبدون توتر00 طبعا ما اكذب عليكم يوم الخميس كنت بتمشكل معاه بشغله بس هو امتص غضبي ونسيت ويوم الجمعه تهاوشنا على خفيف 00 بس انا اقول بيني وبين نفسي يومين بالاسبوع احسن من سبع ايام:icon33:

واتمنى ان مشاكلنا تخف يارب والله ييسر لنا بسكن مستقل ويرزقنا ويرزق كل محرم الذرية الصالحه

صح ونسيت اقول لكم ان كل يوم ينتهي اكتب بنوته على نفس اليوم ( الحمد لله) انه عدى وتفاجأت اني ما افتعلت هوشه ولا نكدت عليه وعلى نفسي00

والله يهدي سر كل متزوجه ومتزوج وييسر الامور ياااااااااااااارب:26: