(تجربتي لم تناسبني) لكل من جربت وتضررت (موضوع متجدد)..

السلام عليكم ورحمة الله وبركاته

اتمنى في هذا الموضوع المشاركه من جميعـ من استخدمتـ أي تجربه ماناسبتها أو أذتها وتضررت منها...

كما هو معروف في بعض الخلطات تناسب بشره وبعض الخلطات ماتناسبها وتأذي البشرررره

فـ ودي بعد أذن المشرفه أن يتم ذكر بعض التجارب حتى تأخذ الحذر من ستستخدمها

و أتمنى من الجميعـ المشااااااركه ...يا بنات لا تخذلوووني لو مرررره شاركووووني ....


أبدأ بنفسي :

تجربة (الخروع لتكثيف الرموش)

جربت على أطراف رموشي وللأسف لي خمسه ايام عيوني تقرصني ماناسبتني

ومدري إلى متى , ونفس الشي خالتي قصت من أطراف رموشها و مسحت أطرافها بقطره من زيت

الخروع وللأسف جتها حساسيه ودائما عيونها تقرصها ولا عاد تقدر حتى تحط كحل بعينها ما ناسبتها

التجارب الأظافري

شربت موية الزعتر مذكوره هنا أن الي عنده تشققات بالأظافر دليل على نقص فيتامين الظاهر

و موية الزعتر مفيده لـ هالشي وتبان النتيجه بعد أسبوعين تقوي الشعر عن التساقط وتقوي الأظافر

والحين كملت الأسبوع الثالث ولا سوت شي معي بس بطني أتنظف منها بصراحه حلووووه للبطن

واستخدمت الطريقه الآخرى للأظافر

لي ثلاث أسابيع من بديت بالتجارب هذي ..

يوميا أنقع يدي بخل التفاح عشر دقائق(صار الجلد حول أظافري مذووي)ومتهيج احمر مكان التشقق

بالفتره نفسها أستخدمت وياها خلطة مرتين ب اليوم للأظافر :

3 ملاعق صغيرة زيت زيتون3 ملاعق صغيرة خل التفاح صفار بيضه وأدهن أظافري منها مثل المناكير

وكل هذول مافادني منها شي واحد مع أنه في بنات فادت وياهم هـ الخلطة بس أنا لا نحسه

وحاليا بديت بس أفركهم بالليمون والثوم كل ما صار قدامي

وأدهنهم بـ(مره مخلوطه بحاجه بسيطه زيت خروع)

وأستخدم معهم مرطب الأيدي والأظافر من فازلين بـ فيتامين E وبذكر لكم النتايج بعد فتره

خلطه للجسم

أستخدمت خلطه للجسم لمدة شهرين تحتوي ديرموفيت (فعلا خطير ويضر ) أستخدمته وأنا أدري ان له مضار

مضار الخلطه والسبب ديرموفيت

(منابت الشعر فعلا صارت قويه بالبشره والشعر الخفيف الوبري صار أقوى والجلد بساقي طلع لي

فيه صفطه وحده صغيره بداية تجعد أو أنكماش للجلد وقفت الخلطه فورا) عشان مايكثر , الخلطه تحتوووي

على ديرموفيت وفير ان لافلي وأولاي وفيد أوت البني وأفالون البرتقالي وإيدياااال ومن خوفي من مضارها

خففتها بمرطب جرجنز للتفتيح بعد هالشهرين النتيجه اني فتحت شوي مو واجد بس صفاوه ملحوظه مو بياض بياض

فيه من سألني أنتي مسويه تقشير أو صنفره شي كذا بس.. الألوان الغامقه برجولي مكان الشوز والبقع و

الخطوط البنيه بالفخذ من بعد الحمل مارااااااحت وقفت عشره أيام الخلطه وبعدها أستمريت على فقط

أفالون لوحده لتفتيح الجسم ولوشن ببايا لترطيب الجسم .....

الحين بنات أبي تجاربكم بليزززززززز الي أتضررتو منها أو أذتكم ..........


شاركوناااااااااااا بنااااااااااااااااااااااااات