/
صباح الفل ومساء الفل على احلا حوائيات
بقولكم ياحلوات ماسك يجنن بمعنى الكلمة للبشرة توحيد نضارة لمعه وتفتيح شي خيالي جد هالماسك مره احبه
اول سويته قبل سنتين وضليت عليه أسبوع واو واو دمار بشرتي ماشاء الله حيل أتغيرت عليه
ورجعت له الحين لأن حسيت بشرتي مافيها حيويه ووين كنت عنه الله يصلحني جد اعتبره كنز
بنات الماسك مجرب مو منقول او كلام فاضي وماأكتب لكم غير تجاربي الشخصية
وماأبغا منكم غير تدعولي اني اتوفق بدراستي جد محتاجة هالشيء
الماسك اعتبره بديل فيتامين سي طبيعي من كثر نتائجة
المكونات ))~
3 قشور موز( تكوني توك اكلتها وبالعافيه عليك ) يعني موأسود القشر لونه او أصفر فاتح وسط
ليمون أبو زهير نصفها تحطينها كامله بقشرها
بطاطس مسلوقه وتحطينها كمان بقشرها
ملقتين رز مطحون ( الرز العادي ) تاخذين منها وتطحنينه
كأس حليب المراعي لاتحطين بودرة لا جيبي زي كذا أفضل شي طبيعي
انا أضيف له نص حبة برتقال قشر فقط
الطريقة
تحطين كل المكونات بالخلاطة وبس
الكمية راح تجي كبيرة تكفيك أسبوعين الي تحب أقل تحط نص الكمية من كل شي ذكرته
تحطينه على بشرتك لين ينشف وحطي طبقة كثيفه يوميا لمدة أسبوعين او أسبوع بعدين مرتين ألى 3 بالأسبوع
اذا تبغينه كمقشر وماسك بنفس الوقت حطيه على بشرتك لين مايشف وسط وأبدأي أفركي لين تنزل كل القشور
وبس أشطفي وجهك بماء بارد +امسحي زيت فيتامين أي او زيت زيتون او لوز مر
وبتشوفين الفارق من اول أستخدام إن شاء الله
((( ملاحظة))) بنات لون الماسك راح يتغير سطحه فقط والي تحت بيضل فاتح لون الموز ماراح يتغير غير من السطح
عادي فيكم تشيلو الوجه وتستخدمون من الي أسفل الفاتح بس عادي لأن يوم تحطينه بيكون فاتح بعدين بيتغير لونه على بشرتك فلا تقلقون
ودعواتكم لي بالتوفيق بدراستي وبيحاتي يارب
وأي سؤال أنا معاكم ي حلوات...
