السلام عليكمّ ورحمة الله وبركاته
كيفكمّ مع الجو الجميل .. والغبار امس ! لاهل الرييياض : (
اليـــوم موضوعي خفيف ولطيف ان شاءالله !
عن منتجين جربتهم من فتره وحبيت اشاركم رأيي فيهم ..
جميع الصور في الموضوع من تصويري الشخصي ..
1 .. آســآس بوبي برآون skin foundashion spf 15
2 .. قطرة آنجلوت duraline
ملاحظآت قبل نبدأ (الرياض) :
* مآركة بوبي براون فقط في هارفي نيكلز في الفيصليه !
*مآركة آنجلوت موجوده في الرياض غاليري وآتوقع في العثيم مول !
بآقي المدن مآعندي خلفيه ..
Bobbi brown skin foundation SPF 15
قوآمه خفيف جدآ .. يعني كأنه مويه شوي ..
ينفع لجميع آنواع البشره .. انا بشرتي جآفه وناسبني .. اختي بشرتها مختلطه وبعد ناسبها !
مآينفع للي بشرتها فيها عيوب كثيره .. يعني يصلح للبشره الخاليه من العيوب الى متوسطه .. ممكن اثار حبوب خفيفه وكيذا !
ثباته كويس جدا .. + فيه نسبه حمايه من الشمس .. يصلح للي تداوم الصباح والجامعه ..
لكن ماينفع اذا بتصورين لانه يخلي لمعه او طبقه بيضا على وجهك بالصور ..
تغطيته متوسطه .. مو كثيره ولا خفيفه ..
آنآ مآخذه درجه اغمق من لوني بنص درجه اللي هي natural warm 4.5.. طالعه طبيعيه جدا جدا جدا ..
يعني لما احطه كأن بشرتي صارت حلوه و خاليه من العيوب تماما .. و مو مبين اني حاطه شي ..
سعره 220 .. او 230
تقييمي له .. 10 \ 10
قطرة آنجلوت duraline
هذآ المنتج مسميته السحـــــر !
استخدآمها الاساسي انها تحول آي منتج بودره الى كريمي .. !!
تقوي لون آي شــــآدو .. تخليه اوضح وثابت ..
قوآمها ثقيل زي الجل .. ومعلبه كـ قطره يعني تضغطين من فوق ..
أستخدامها بيكون ..
تجيبين علبة عدسآت فآضيه .. آو اي شي صغير له غطا عشان لو كثرتي الكميه تقدرين تحتفظين بالباقي ..
تآخذين البودره اللي تبين تحولينها كريميه او الشاآدو .. وتـفـتـفـتـيـنـه (تنثرينه) وتحطين نقط او نقطه من القطره ..
وتخلطينه بفرشاة الشآدو .. وخلالالاص ..
الاستخدامات اللي ممكن تستخدمينها :
ممكن تسوي لك كحل كريمي ملون من آي لون شآدو عندك .. تخيلي اي لون شآدو تقدرين تسوين منه كحل .. يجنن !
ممكن تآخذين شآدو بني وتسوين منه تآتو للحواجب .. وآآو
ممكن تحطين نقطه منه على فرشآة الروج وترسمين فمك ورآح يثبت روجك طول اليوم ..
وأحلى شي .. آي شآدو كريمي آو اي كحل كريمي آو مسكره نآشفين عندك حطي نقط منها عليهم وراح يرجعون زي اول مآشريتيهم !
سلبيات :
ممكن فيه ناس ماتحبها على العين لانها دبقه شوي !
البدايه صعب استخدامها بعدين تطيحين في عشقها ..
ماينفع تحطينها على الشادو المضغوط مباشره .. لازم تكونين ناثرته .. لانه يخرب الشادو ..
ممكن اللون يغمق درجتين عن اللون الاصلي اذا حطيتي القطره !
سعرهآ آقتصادي جدآ : 55 ريال !
تقييمي لها : 10000 \ 10
هذي سواتش انا مسويتها ..
شآدو carbon الاسود من ماك ..
بيجمنت فآنيلا من مــاك ..
تكلمت عن هالبيجمنت بموضوعي السابق ..
ولما صرت احط معاه قطرة انجلوت .. صارت عندي اضآءه كريميه روووووووعه ..
احطها على عظم الوجنات .. والانف .. جدآ رآقيه وناعمه وجميله !
آتمنى الموضوع يرقى لذآئقتكم ويعجبكم ..
وقبل مآتروحون تفضلوو هذي مني ..
الموضوع حصري لـ عالم حواء .. ارجو ذكر المصدر عند النقل !
وأي أستفسار آنآ حــــآضره !
آنــــــطلقو ..