أوبــــــــــــــــــــــــــــــــــــــاجي بس سحب فلوس على الفاضي عن تجربة اقول هالكلام .. والله يعينج

هلا والله ...

اختي ام الريم .. اذا مشكلة الهالات السودا ممكن تروحين اي طبيب جلدية يساعدج .. لان اوباجي علاجهم وايد قوي وينفع للبشرة المدمرة ..


اختي اجمل الكائنات :
يعني تحاولين تحبطيني انتِ بعد ..
وحدة قريبتي سوت عندهم علشان النمش ورجعلها لما وقفت العلاج .. بس هذا الشي ما خلاني انحبط .. لان النمش شي وراثي طبيعي راح يرجع ..
بعدين حتى الممرضات اللي عندهم في اوباجي كلهن مسويات تقشير ازرق وهم ما قصوا علي قالوا لي من البداية لازم تداومين على الكريمات علشان تستمر النتائج وياج .. ومثل ما قلت فوق يعني بدل لا استخدم الكريمات مرتين في اليوم ممكن اخصص يومين في الاسبوع وبالتالي اوفر اكثر .. وهذي الفلوس في النهاية اذا ما دفعتها لكريمات اوباجي اكيد بدفعها على المكياج .. والاول افضل في رأيي !!!!

فينوس .... لا تعليق !!!!!

الفرفوشة : يعني علاجي كله للحين تقريبا وصل 8 الاف درهم
وانا اعالج عند الدكتور شريف مطر والعملية سوالي اياها الدكتور اوباجي

القلب الحنون :
ما قلتي لي شو غلطاتهم اللي تحاولين تعدلينها .. يا ريت تخبرينا ؟؟

honey_lipes
شوفي علاج اوباجي علاج صعب ويريد له مداومة ومتابعة وتطبيق بالحذافير علشان ما تصير نتائج عكسية .. واهم من هذا كله مداومة على المواعيد .. وانا هذا اللي سويته واعتقد لولا فراغي وعدم انشغالي بدراسة او اي مسؤلية ثانية كان ما قدرت اداوم عليه .. هذا غير العملية اللي تحتاج لها قوة عزيمة علشان ما تحدث نتائج سيئة .. وادوية عملية التقشير تحطينها على الويه كل ساعة .. يعني اعتقد اللي ما تلتزم بهذي الامور لا تلوم الا نفسها اذا صار شي في بشرتها ..
وعلى فكرة قبل لا اسوي العملية وقعوني على ورقة مكتوب فيها كل الاثار السلبية اللي ممكن تنتج عن العملية وانا توكلت ووقعت .. بس الحمدلله ما غفلت عن الادوية ومتابعة الدكتور وعدت على خير ..

توتة :
العملية بروحها 5500 درهم
بس لازم قبل العملية تحضير البشرة لمدة 6 اسابيع بالكريمات ..
وفيه وحدة كانت داخلة معاي العملية بس ردها الدكتور ورفض يسوي لها العملية لان بشرتها مب متحضرة لانها ما استخدمت الكريمات عدل .. :27:

كلبوزة :
شكراً على الرد ومثل ما قلت هم ما غشوني .. خبروني عن الاسعار من البداية وانا وافقت .. وقالوا لي ان هذا الحل مب نهائي يعني لازم استمر على الكريمات .. وان شاء الله بس تعدي على خير .. انتوا دعولي بس .. وفيه تجارب ناجحة وايد تخليني اتفاءل ..
وبعدين بيني وبينج خليني اعرس ببشرة صافية وبعدين يصير خير

أختى miss-it
والله ما ودي احبطك بس كل وحدة عندها تجربة مع سي لازم اتفيد غيرها عشان المشكلة اللى تطيع هي فيها ما يطيح غيرها فيها انه امي وجها ما كان في احلا منه ماشاء الله عليها ما فيه لا حرار ولا ندبات ولا شي وسمعت من صديقتها عن اوباجي وركضت عليه واستمرت على كل الطرق اللي قلتيها وبعد الاحمرار عطاها شي ايودي الاحمرار لكن بشرتها صار سودة مع العلم ان امي بشرتها بيضة وافتح مني تعالي شوفيها الحين صار سودة والحين اهي تتعالج عند بيت الصحة اللي يشافيها من هالكيماويات اللي يقصون علينا فيها واحنا ركض وراهم وانشالله مايصير لك الي صار لها والله يوفقك واتصييريين ملكة جمال ليلة عرسك

مشكورة اختي mooolaaa

انا مع ان كل وحدة تقول تجربتها علشان نستفيد .. بس هذا مب معناه ان كل التجارب سيئة او كلها ايجابية .. بعدين انا مؤمنة ان المريض نفسه يقع عليه جزء كبير من المسؤولية لاني مثل ما قلت ادويتهم تحتاج دقة في الاستعمال ومتابعة وإلا راح تكون نتائجها غير مرضية ..
انا قبل لا ابدأ في العلاج كنت مترددة من كثر ما سمعت من البنات في هذا المنتدى .. بس حطيت في بالي بعض التجارب الناجحة مثل تجربة بسمة ملاك .. ولما رحت وشفت بشرات البنات اللي يشتغلون في اوباجي تشجعت اكثر ..

مشكورة مرة ثانية .. ولا تنسوني من دعاءكم :27:

باالنسبه لي تجربتي معهم حطمتي كثييير حسبي الله عليهم ومشكلتي انه كان عندي حرق بسيط في بشرتي وباالوجه كمان ,, ولما رحت قال لازم عمليه انشيل الجزء المحترق المهم لما شاله توسعت المنطقه بشكل ملحوض إضافه الى التهابات شديده وراجعت دكتور ثاني متخصص وسحب من مكان الجرح بواسطة الابر التهابات مرعبة...ولما رجعت للدكتوراللي ب اوباجي وحكيت له قال خلاص نعدل الغلط بس ترى بكلفك تقريبا عشرين الف وصار مشاكل وسين وجيم ,,ومن وقتها ما رحت لهم ها النصابين..