تجربتي مع إبرة توحيد اللون والتبييض "مجرّبة" والنتيجة فوق الخيــــــال

.
.
.
.
.
.
.
.
.
.
.
.
.
.
.
عزيزتي القارئة ..

طبعاً دخلتي تدورين عن إبرة التبييض أو إبرة توحيد اللون

أيش ما يسمونها ؟ ما تفرق معاي !

المهم اللي بأقولك إيّاه شي واحد ... لا جدال فيه ...

هذي الإبرة لا وجود لها لا في الحقيقة ولا حتى في الخيال .. ما في

وكل اللي يحكون عن هذي الإبرة نصابات في نصابات

هدفهم الأول والأخير المادة

وشيكي على هذا الرابط من موقع عيادات ديرما

وكاتبين أحد المفاهيم الخاطئة "إبرة توحيد اللون!!"

شيّكي بنفسك لو سمحتي

http://www.derma-clinic.com/derma/mo...e&pid=8&page=4

قبل الختام ..

إذا ما اقتنعتي ..

روحي يا عزيزتي ودوري أحسن مستشفى أو عيادة في بلدك ويفضل يكون حكومي واسأليه عن هذي الإبرة ..

وهو راح يقولك الكلام الفاصل ..

هذا الكلام قلته على شان أريح ضميري وبالي من الهبال اللي أشوفه في المنتدى .. واللي يروح ضحية له عدد أتمنى يكون قليل من البنات قليلات الخبرة..

أنا الحين ما قلت لكم ارسلوا لي على الخاص بأجيب لكم خلطة .. ولا قلت لكم بأرسل لكم رقم الشركة .. اللي هو رقم الشلة حقتي ... أنا أبيكم توفرون صحتكم أولاً بعدين فلوسكم وراحة بالكم .. وإذا عندكم زيادة تصدقوا فيها أحسن ...

وفي شغلة حلوة بأقولها لكم ومضمونة .. بدون ما تراسلون عالخاص ولا تدقون علي ولا تحولون لحسابي ....
فررررري الشغلة ..
وهي إنك يا عزيزتي ....... إذا صادفتي أوقات الإجابة إدعي ربك وقولي
"اللهم جمّلني وزدني خَلقا وخُلقاً"

وبأقولكم شي أخير ..

لو فيه إبرة للتبييض حقيقة ..

كان صنعوا لها أكبر مصنع وحطوه في أفريقيا .. وقتها راح يستفيدون من جد ..

الحين ...

احمدي ربك عالصحة والعافية ..

وقولي الحمدلله على لوني الحلو ..

والقناعة كنز لا يفنى ..

والسعادة مو في الجمال .. السعادة في الرضا والقناعة وراحة البال .. ويا ليت نتعّب نفسنا ونشغل بالنا في أشياء أهم ..

طلب :

رجاءاً لا أشوف وحدة من المندوبات ترد علي .. ولا مندوبة متخفية بقناع عضوة .. لأني ما راح أرد عليها

وكفاية عليكم نصب .. تلعبون على البنات ..







منقوووووووووووووول للفائده