تجربتي مع ابرة الظهر في الولاده لكل من هي على وشك ولاده

السلام عليكم اخواتي الحلوات
كيفكم ايش اخباركم
احب ابشركم اني الحمدلله ولدت يوم الاحد الموافق 6/7/1424
وجبت ولد وكانت التجربه حلوه مع اني في غربه في امريكا وما احد جاء عندي من اهلي
بتقولون هذي مجنونه
:o
المهم يا حلوات حبيت اخبركم عن ابرة الظهر لكل من على وشك ولاده
انا استخدمتها وكانت حلوووووووه مره وما حسيت باي شي
يعني انصح كل اللي بيولدون ياخذوها اذا ما كان عندك اي مشاكل في الظهر او الضغط
واذا كان عندك شي اسالي قبل
لاني الحقيقه كنت لما اسمع عنها اقول اكيد تخفف حاجه بسيطه بس
بس كانت فعلا رائعه اهم شي ما تيأسين وقت الدفع ويكون عندك قوه وتدفعين بالطريقه الصحيحه
ما عدا ذلك مافيه خوف باذن الله لاتنسين تتوكلين على الله وتسمين قبل ما تاخذيها
انصح كل وحده مقبله على امومه انه تقضي الايام الاولى من ولادتها بفرح وما تعب نفسها
لان هذي الايام صعبه جدا وتحسين فيها بالملل وتغير نظامك هذا له تاثير عليك يعني لازم تصحين ترضعين وتغيرين له وانتي تعبانه وحالتك حاله وشوي يبكي وما تعرفين السبب وممكن تعانين من عدم تقبله لصدرك لكن هذي كلها كم من اسبوع وبعدين خلاص تبدين ترتاحين
الله يتمم لكل حامل يارب وتفرح بشوفة ولدها بين يدينها
واجمل لحظه عشتها في حياتي لما حطو ولدي على صدري اول ماولدت
كل ما حسيت الم انتظري هذي اللحظه

واشكركم جزيل الشكر على كل من ساعدتني واعطتني نصيحتها
والشكر لهذا المنتدى


تحياتي لكم جميعا
اختكم في الله :27: