السلام عليكم اخواتي بنات عالم حواء ..
انا عضوه جديده وهذا اول موضوع لي وما لقيت افضل من هالمنتدى ..
انا مغتربه وابغى مساعدتكم وابغى الكلمه الطيبه اللي تريح الخاطر ..
اولا انا عمري 19 تزوجت قبل 11 شهر وبعد زواجي بشهرين كان ورانا
سفره وغربه فقررت ناجل موضوع الحمل لفتره لان الحمل بيكون صعب
علي فأقترحت على زوجي انو نأجل موضوع الحمل وانا غشيمه ماعرف
بهالامور ..
زوجي دكتور وقال بعطيك ابرة منع الحمل خفت ورفضت بس هو اقنعني
ان ما منها ضرر ولعب بعقلي واخذتهاا:44:
اخذتها بشهر 8 \1431 بعدها بشهر صار ينزل مني دم خفيف لمدة 15
يوم
وبعدها انقطعت الدوره وجتني في شهر 3\1432 والحين لها 4 شهور
اقدر اقول عنها منتظمه تجيني كل 30 او 31 يوم بس ما حملت الى
الحين ومررره متشفقه عالحمل رحت لدكتوره هنا وحكيت لها الموضوع
قالت الابره مامنها ضرر وكثير استخدموها ورجعوا زي ما كانو وقالت انو
في حريم يحملون بعد الابره بـ6 شهور وبعضهم 12 شهر وبعضهم 18
شهرر ..
وسالت كماان دكاتره كثير غيرها بالسعوديه وامريكا وكلهم نفس كلامهاا , بس ما كشفت علي الدكتوره ..
انا متنكده ومتضايقه وخايفه على نفسيي واسمع ان في ناس سببت لهم مشاكل هالابره ..
بليزز طمنوني واجبروا بخاطري ..
مين تعرف وحده استخدمت ابرة ديبوبروفيرا وحملت ورجعت طبيعيه ؟!!
وايش رايكم اروح اكشف واتطمن على نفسي ولا اصبرر ؟!!
بنات تكفون اللي بتقول لي رد ينكدني ويضايقني اكثرر تكتفي بدعوه في ظهر الغيب كفايه اللي فيني ..
انا متندممه واشد شعور بهالدنيا الندم , انا توني صغيره وما ودي اعيش بهم ونكد ابي انبسط بحياتي ..
وبالاخير انا راضيه بقضاء ربي وقدره , وراضيه باللي ربي كاتبه لي , وكل شي بيد الله سبحانه وتعالى ..
بليززز اللي عندها كلام يريح لا تبخل علييي الله يوفقكم ويريحكم دنيا واخره ...
رغيف خبزه @rghyf_khbzh
عضوة جديدة
يلزم عليك تسجيل الدخول أولًا لكتابة تعليق.
رغيف خبزه
•
استغفر الله الذي لا اله الا هو الحي القيوم واتوب اليه
الصفحة الأخيرة