![][§][-~المتغـلية ~-][§][](https://cdn.hawaaworld.com/images/user_avatar.png){kind=avatar}
السلام عليكم
يسعد لي مساكم وصباحكم
وكالعاده انقل لكم تجاربي وبتفصيل الممل بعد وبكل شفافيه
تجربتي هالمره مع ضغط المشاغل بسبب الصيفيه ولاني تاخرت ماحجزت
الا يوم الاربعاء حجزت حق يوم السبت
فامالقيت حجز لشعري الا في ابولو عند رانيا
وفي لمسة المخملي عند اميرة للميك اب علما ان اميره هذي جديده عندهم
الي سبق وجربتها زينة بس فلللللل المواعيد عندها
المهم موعد شعري في ابولو الساعه 6
طول شعري لاكتافي خذو علي 350 حق تسريحتي كنت ابي فلو او ويفي
المهم بدوا بستشوار شعري وبعدها نقعت انتظر رانيا تخلص الي عندها
وبنفس خايسه دخلتني ونا على نياتي واثقه فيها اقولها وش رايك وش الاحلى على شعري وعلي الويفي ولا الفلو
قالت لاااا بياخذ وقت ونا كتير مضغوطه وتعبانه خليني اعملك نفخه من ورا والباقي ليس
في خاطري اقول افااا ياذا العلم تصرف الاخت والله لو اني اشحتها مو دافعه فلوس وحاجزه
وعلى فكره الي يعرفون ابولو معروف عنهم نفوسهم الخايسه بس الزمن حدني عليهم يوم مالقيت حجز لشعري لا في ارابيل ولا لمسة المخملي :11:
قلت مابدهاش
لالاااا مابي كذااا ابي ويفي وخلاص وبدت شغلها وبسرعه مع الكثير من الالم بسبب المغاط الي ربطت فيه شعري المهم خلصت وطلعت منها رحت بسرعه لموعدي الثاني في مشغل لمسة المخملي
موعدي الساعه 8 عندهم وكنت دافعه عربون وكنت ابي ميك اب سبشل خذو عليه 550
دخلت الا الترحيب الي يشرح الصدر
وشفت بنات طالعين مسوين تسريحات تخبببببببببببببببببببببل كانهم طالعين من كتالوجات
رووووعه كرهوني بتسريحتي العبيطه :11:
المهم
وفي ثواني نادوا اميره ودخلتني ووجهه بشوش الله يرضي عليها بجد
وبدت وبالنهايه
ابدعت وبقووووووووه رووووعه
رسمتها للعيون خطيرةةةةةةةةةةةةةةةةةةةةةة تجنن وقويه ولافته ومرتبه
شغلها نظيف نظيف والالوان قويه وجريئه والاساس طبيعي وحلو وتسئلني اذ ابي افتح ولا اغمق
وبعد ماخلصت فرحت فيني واشوف زينة تبصبص على شغل اميره خاصة انها جديده والظاهر انها خايفه تاكل الجو عليها :hahaha:
وطلعت منهم بنفس الوجه البشوشه ورحت للعله ابولو علشان بنت خالتي هناك بيسوون مكياجها عند وحده حامل اسمها هيام او الهام
دخلت انصدموا بمكياجي الي ع الرسبشن يسئلوني من مسوي الميك اب تبعك ؟
حتى البنات هناك الي ينتظرون دورهم للميك اب يسئلوني من مسويني ؟؟
ووين ؟؟ وبكم ؟؟ وعيونهم مبققه اسم الله علي :D
بنت خالتي دفعت برضو لهم حق سبشل 500
والنتيجه ميك اب الوانه خفيفه بس موب شين طلع عليها بس الفاندوشن اغمق من لون بشرتها بدرجه
علما ان البنت اصلا ماشاء الله جميله < تمدح بنت خالتها خخخ
بس للامانه اعجبها مكياجي اكثر بكثير:)
في وقت مانتظرت بنت خالتي بدت تسريحتي تنحاس رحت للاخت رانيا تعدلها بس من قدام
رفضت بالاول ولما شافتني مصممه وقلت كيف بطلع كذا عاجبك كذا ؟؟
قالت طيب بعد هالزبونه ونفسها براس خشمها كرهت عمري بس وش حدك ع المر قال الي امر منه :(
الزبده
ابولو حطيت عليه اكسسسس احمر كبير حتى لو مالاقي حجز عند اي مشغل ماراح اروح له
شغل خرابيط ونفوس شينه
ولمسة المخملي
ميك اب توب وتسريحات من الي شفتهم طالعين توب التوب وتعامل راقي
وبنهايه
اتمنى منكم الدعوات الطيبه لي لنقل تجاربي لكم بكل تفاصيلها
وربي على ماقول شهيد
..
.
نسيت اقول للي مايعرف موقعهم
كل الاثنين في عماير السيركون يعني رحت من هذا لهذا مشي
رياضه :)