حبيباتي انا حبيت اعرفكم بتجربتي مع اختبار التبويض
انا متزوجة من سنة ونص ... حاولت كثير في الحمل ....لكن الله ما اراد .
ومن كثر ما قريت بالمنتديات عارفة انه يوم التبويض تبعي هو يوم 14 من اول يوم للدورة لأن دورتي 28 يوم
وكنت احاول انا وزوجي انه مايصير شي قبل يوم التبويض( الأيام اللي قبل 14 )...عشان ...( الحيوانات المنوية تكون كثيرة وقوية )
المهم ...سمعت عن اختبار التبويض ...ولقيت طريقته هنا بالمنتدى ..
اشتريت ..النوع اللي بالشرايط ...( طريقته مختلفة عن اختبار الحمل)...
وانا والله كل هدفي انا افهم نفسي تمام و اكون عارفة متي دورتي بالضبط
المهم .....بدأت في عمل الأختبار من اليوم السابع من الدورة .. ...كل يوم وبنفس التوقيت
( وطبعا لازم يوميا تسويه ويطلع سلبي (( مافي تبويض)) الين يجي اليوم اللي تسويه ويطلع ايجابي (( تبويض))
زي ما انتم شايفين في الصورة هذه ......
هنا الأيام كلها سلبية الين يوم 5 ايجابي وترجع تكون سلبية مرة ثانية بعد انتهاء التبويض .
وانا عن نفسي بدأت من اليوم السابع في الدورة ....على اساس اني راح اوصل الين يوم 14 عشان يصير التبويض
بس اللي صار اني لقيت النتيجة ايجابية يوم 10 ...يعني تبويضي كان يوم 10 ...وكل الشهور اللي فاتت كان يوم 10
وانا اللي كنت اتحاشى انا زوجي الجماع في هذه الأيام .......سبحان الله
انا حبيت انكم تعرفوا ايش صار معاي وتستفيدوا من تجرتي مع اختبار التبويض اللي المفروض الكل يستخدمه
وادعوا لي بالذرية الصالحة ......لأنه لسه باقي على موعد الدورة ....
تحياااااااااااتي