السلام عليكم ورحمة الله وبركاته
اول شئ جربت كل شئ لأزالة شعر الجسم :)
نبدا من الاسوا الى الاحسن :humm:
اول شئ مكينة براون
انا عن نفسي ما حبيتها مرة لانو الالم الي تسببو مو طبيعي بصراحة الم مو طبيعي و احس الشعرة لمن تطلع تطلع خشنة شوية اخشن من اول وغير كدا ماتشيل الجلد الميت بس الشعر مو مرة دخلت راسي :humm:
تاني شئ شرائح فيت الشمعية
حلوة وتقريبا زي الحلاوة بنسبة للجسم اما حقت الوجه الصغيرة والمناطق الحساسة مادخلت راسي اما الكبيرة الي هيا حقت الجسم الي موجودة بصورة حبيتها تنظف وتزيل الشعر والشعر مايطلع بسرعة يعني يقعد فترة عبال مايطلع وفوق دا حتى لو بدا يطلع يطلع مرة قصير يعني ومايطول بسرعة دا اكتر شي عجبني فيها وبنسبة للالم مو مرة تالم المها على خفيف وللامانة استخدمت فيت للبشرة الحساسة :biggrinlo
حلاوة ازالة الشعر
طبعا الحلاوة احسن من بروان والشرائح الشمعية صح تالم بس لمن تتعودي عليها ماتحسي بالم انا عن نفسي ما اعرف اشيل لازم وحدة تجي تشيل لانو ادا احد شال لي ما احس بالم < الحمدلله والشكر :)
احلى شئ في الحلاوة انها تشيل الجلد الميت وفرق واضح حتى في الوجه وطبعا عن نفسي افضل الحلاوة انظف واحسن و شرائح فيت الشمعية للجسم بس :biggrinlo
ملاحظة بسيطة : لمن تشيلي شعرك بالحلاوة جيبي موية ورد تكون باردة وغسلي بيها وجهك بعد الحلاوة عالطول اول شئ حلوة للبشرة الحساسة لانها تبرد على الوجه وتسكر المسامات ولو تبغي تغسلي جسمك بعد الحلاوة بموية ورد حلو عشان المسامات تتقفل او موية باردة :biggrinlo
وشكرا لقراءة الموضوع
