تجربتي مع اشعة الصبغة بالتخدير الكامل

السلام عليكم ورحمة الله وبركاته

انا الدكتور كتبلي اشعة الصبغة وقال ﻻزم تسوينه المهم انا مثلكم كنت خايفه ومتردده

حولني ع الاستشاريون للاشعة المهم كنت خايفه مره وطلبتهم ابره مسكنه ورفضو

وجاء دوري وكانت اﻷي بتسويها كنها هنديه اصلا ما ارتحت لها وبس معصبه

طبعا خلتني اغسل بعدين دخلت تخيلو مافيه حمام بالغرفه انا استغربت لازم اروح للحمام العام

حق السيدات مالكم بالطويله مالبسوني شي او اي لبس خاص بس خلوني انزل بنطلوني وانسدح

حسيت نفسي بفيلم رعب والادوات مرصوصه على الطاوله وانا قلبي بيوقف من الخوف

المهم اني رفضت اسويها وهي تحاول تقنعني فيها وهي نفسيه زفت بس تبي تخلص شغلها وخلاص

المهم في الاخير قلت طيب اول مادخلت شي مؤلم صحت ورفضت وقمت من مكاني والغيت الاشعه

هذي السالفة قبل البارح المهم زوجي طبعا زعل لاني ماسويتها ورجعنا للبيت بعدين قعدت ادور بانت عن احد يسويها بالتخدير الكامل

لقيت وحده كاتبه تجربتها بالتخدير الكامل بغيت امووت من الفرحه وكاتبه انها مسويته بالحبيب الريان

المهم نمت يوم جاء الصبح وانا ادق ع الحبيب وسالت قسم الاشعة عن التخدير الكامل قالت عادي بس لازم تنسقين مع دكتور التخدير

وله سعر خاص التخدير قلت مافيه مشكله ودقت ع التخدير ووافقو بس قالو لازم تجين عندنا قبل تدخلين ع الاشعه عشان يسالوني ويعبون ورقه ويشوفون الضغط والوزن وكشفو ع الصدر والظهر

قلت اوكيه بعدين خذيت موعد الساعه الرابعه عصرا لان موعدي مع الدكتور الساعه سبع ونص المساء ولازم اخذ الاشعه معي المهم وصلت المستشفى الساعه ثلاث ونص

واروح طياره لقسم التخدير ودفعت الفاتوره وكان التخدير ب 525 ريال المهم ودخلت ع دكتور التخدير وقاسو الوزن والضغط والصدر وسالوني عن ادويتي وعندي حساسيه ولالا عندي سكر وﻻ ﻻ المهم عبو ورقه واعطاها الممرضه وهي ودتني لقسم الاشعه وهناك دفعت فاتوره الاشعه كانت 693 او 695 المهم انه يعني 700 ريال ودخلت الاشعه النظافه عكس الاستشاريون وبالغرفه حقت الاشعه غرفه تحيب فيها اغراضك الشخصيه وعبايتك وملابسك وفيه حمام خاص خلتني انزل كل ملابسي

واعطتني لبس خاص زي حق العمليات وقالت نظفي المنطقه وطلعي بولك تكرمون وتعالي المهم يوم خلصت وانا انسدح ع سرير الاشعه واعطوني اوراق اعبيها وقاسو الضغط المهم جو عندي يمكن 5 وحده حقت التخدير ووحده اللي بتسوي الاشعه ومعها ممرضات شبكو الجهاز حق الصبع وخلو قياس الضغط راكب بيدي ماشالوه وركبو لي ابره حقت المغذي بس ماركبو المغذي تقول بعد الاشعه طبعا المغذي ﻻني صايمه بيركبونه لان اللي تبي تخدير لازم تكون صايمه 8 ساعات المهم اذكر اني اذكر اﻷه وهي حطتلي قناع حق التخدير وتقول خوذي نفس خذيت نفسين والثالث نمت

يوم صحيت لقيت نفسي بغرفة ثانيه وكلهم عندي يسالوني انتي طيبه تحسين بدوخه قلت شوي قالو خليك منسدحه ولقيتهم منوميني ع جنب وحاطين مغذي وحاطين شي بخشمي يقول عشان تصحين من التخدير وحاطين قياس الضغط برجلي المهم قالو انتي سليمه والانابيب مفتوحه قلت الحمد الله طبعا الغرفه اللي انا فيها فيها بعد دوره مياه المهم قعدت عشر دقايق عشان المغذي بعدين قمت وهم واقفين يقولون فيه دوخه قلت ﻻ ومشو معي لين دخلوني الحمام وقالو ﻻتقغلينه يمكن تدوخين ﻻنك صايمه وهي تجلس عندي الباب

وانا اغسل واللبس طبعا نزل معي دم بس مو كثير شوي وهي من ورى الباب كل شوي تقول كويس مدام ههههههه

المهم طلعت وقعدت بانتظار النساء يمكن 3 دقايق ونادوني واعطوني الاشعه وطلعت الساعه 7 وع طول رحت لدكتور لان موعدي سبع ونص وشاف الاشعه وقال سليمه والحمد لله

المهم يابنات اي وحده خايفه منها او متردده تسويها وتتوكل ع الله لانه اشعة ضروريه جدا
ودعولي بالشفاء والذريه الصالحه