تجربتي مع اشعه الصبغه

السلام عليكم
يارب انكم بخير وصحه وعافيه
بدخل بالموضوع انا لي 7 سنوات متزوجه وقررت لي الدكتورة اشعه صبغه
وكنت متردده اسويها اخرتها سنتين للاسف
اخر شي توكلت على الله وقررت اسويها اول ماجتني الدوره كلمت مستشفى عرفان
وحجزت للأشعه لانها لازم بعد الدورة بـ3ايام
ورحت الموعد المحدد وتفاجأت ان سعر الاشعه اصبح 850 ريال :44:
حتى اللي بالاستقبال تفاجأت من السعر لأنهم رافعينه بزياده
وسلمت امري لربي وتوكلت عليه ودخلت للاشعه
طبعا فصخو ملابسي كلها وطلبو مني اروح الحمام تكرمون
بعدها حطوني على السرير وفوقي جهاز الاشعه
جت الدكتوره وقالتلي استرخي ولاتتحركين وبدت تضخ الماده وماراح اقولكم شئ عن الالم
لأنه يختلف ومابي اخوفكم لانه ضرووووري تسوونها تكفون يابنات عشان ترتاحون
وبعدها قمت وانصحكم تاخذون فوطه صحيه معاكم تلبسونها بعد الصبغه
والنتيجه ولله الحمد عندي التصاقات وتليف ورحم ذو قرنين
الحمد لله اللذي لايحمد على مكروه سواه
ربي رضني بقضاءك يارحيم
بس حبيت اقولكم لاتأخرون اشعه الصبغه وتضيعون الوقت عليكم
ربي يرزقنا بالذريه الصالحه