تجربتي مع اشعه الصبغه (( تعالو اطمنكم ))

السلام عليكم ورحمه الله وبركاته


حبيت اقولكم تجربتي بكل امانه والله يشهد على كل كلمه بكتبها


اليوم رحت العصر للمستشفى بسوي اشعه الصبغه طبعا وقلبي حفله


الدرجه صار معي خفقان من الخوف


وانا طول الوقت ادعي ربي يهونها علي

المهم


دخلت عند الدكتوره وعطتني ابره مسكن طبعا انا طلبتها

المهم دخلت الغرفه الاشعه وغيرت ملابسي لبست قميصهم وانسدحت على ايش تتوقعون

كنت مفكره بنسدح على سرير طلع لا

تعرفون سرير اشعه العظام هذا هو

طبعا كشفت الدكتوره وحطت الحديده حقت الكشف المهبلي المعتاده

وطهرت المنطقه طبعا

وبعدها حطت فيني انبوبه صغيره للامانه ماحسيت فيها بس شفتها لما شالتها من الطاوله المهم الصبغه حطتها فيني وعلى فكره لونها شفاف


والله والله ماحسيت في شي غير مغص خفيف زي مغص الدوره اول ماتنزل وانتم بكرامه


واخذت مني 3 اشعه مثل اشعه العظام انا توقعتها تلفزيونيه بس طلعت لا

وبعد ماخلصت قالت نامي على بطنك 5 د

وبعدها قالت نامي على ظهرك وحركي بطنك واضغطي عليه

علشان الصبغه تطلع :35::35:

وبس


والكل وحده جربت كوي القرحه ترى اشعه الصبغه اسهل من الكوي بس علشان اطمنكم


بنات اي وحده ودها تسويها وخايفه تتوكل على الله ترى مره سهله

ولو قالو عيديها بعيدها ماعندي اشكال لانها يعتبر تافه الالم مقارنه بالخوف والرعب اذا سمعنا اسمها


والحمدلله ابشركم طلعت سليمه



وسلامتكم