تجربتي مع اطفال الانابيب للفائدة

بسم الله الرحمن الرحيم
حبيباتي وصديقاتي في الهم الواحد
اكتب لكم هذا الموضوع حتى ان شاء الله يفيدكم ويفيد كل اخت مقبلة على عملية اطفال الانابيب ولا اتمنى منكم غير دعوة في ظهر الغيب عل الله يفرجها عليي
اولا انا هذه ثالث عملية اطفال انابيب لي

سبب عملي للعملية : ضعف عند زوجي بالعدد والحركة وكللللللل شييييييييييي

هذه هي العملية الثالثة لي علما انو التنتين السابقين لم تنجح اي منهم

عملتها بالاردن بمستشفى فرح عند الدكتور زيد كان هو المشرف العام على البرنامج اما عملية السحب والترجيع فكانت عند دكتورة اسمها لمياء وحرصت على انها تكون دكتورة لانو من يتق الله يجعل له مخرجا

ولاني قبل هيك اول عملية لي جربتها عند الدكتور زيد ولم تنجح واحسست وقتها اني كنت معتمدة على الاسباب واني جئت لاحسن دكتور وكما نتوهم بعضنا انو الدكاترة الرجال احسن من النساء ولكن عندما فشلت اول عملية علمت انه لااااااا يجب الاعتماد على الاسباب ولااااااا واحد بالمية
اعملي الاسباب وانسي ولا تفكري غير انو الله الرازق والله المعطي
ولا توهمي نفسك حبيبتي انو الدكتور الرجل اكفا واحسن فهم التنين درسو في جامعة واحدة
طبعا نحن عم نحكي عن الدكاترة الخبرة وليس اي دكتورة مبتدئة


ابدا بقصتي قبل العملية وما عملته
1: استخرت كتير وذهبت لاكتر من طبيب حتى اعلم هل ارجع لفرح او اعمل عند غيرهم
2 : تركت بعض المعاصي اللي كنت اعملها واسئال الله ان يثبتني
3 : بلشت قيام ليل في الساعه الثالثه مع الاستغفار
4 : بلشت اعمل لنفسي دروس في حسن الظن بالله وانو ان شاء الله هي العملية ناجحة واني حامل من الان
5: سورة البقرة ووزعها على 3 ايام
6 : جعلت شعاري انا عند حسن ظن عبدي بي فليظن بي ما يشاء كل ما اتدايق من شي كل ما يوسوسلي الشيطان اتذكر هذا الشعار وانبسط وانسى
7: الاستغفار بكثرةةةةةة خاصة قبل اذان الفجر


لما بلشت العملية اختارو لي البرنامج القصير لاني في المرات السابقة كان البرنامج الطويل
البرنامج القصير اللي هو من اول يوم للدورة
وفعلا متل ما بيحكو الاخوات
1 : صرت اشرب يوميا لحد اخر يوم بالدورة عصير اناناس وقطع اناناس لكن بدون كثرة صراحة
2: شرب الحليب , كنت سكر انفي واشرب كاستين بس اكتر من هيك ما اقدر
3 : قررت قرار بنفسي اني اعمل الاسباب وانساها يعني ما فكر فيها
ما فكر كم بويضه طلع مني ما فكر كم حجمها ما فكر تلقحو او لا
سلمت امري لله بمعنى الكلمة واني اتوكلت على الله واني ظانة ظن حسن بالله وانو الله حيرزقني هالمرة ان شاء الله
4 : كنت لما اخذ الابر قول بسم الله الذي لا يضر مع اسمه شيئ في الارض ولا في السماء
5: المعوذات وقيام الليل وسورة البقرة والاستغفار ما تنسيهم
6: الصلاة على النبي صلى الله عليه وسلم بكثرة
لانو في حديث بما معناه انو من جعل دعاءو كلو للرسول صلى الله عليه وسلم كفاه الله هم الدنيا والاخرة

اخذت الابر المنشطة والحمدللله مرو على خير واخذت الابرة التفجيرية فيما بعد وحددولي موعد السحب
ويوم السحب بما انو بنعطي عينة الزوج
ففي اخت من الاخوات الله يجزيها الخير هون بالقسم حكت عن انو الزوج ما يعطي العينة بنفسو وانما تكون الزوجة معو وانو الوحدة تبلش من الاول بالحلال وفعلا هي الشغله ما عمرنا عملناها قبل هيك
بتمنى تكونو فهمتو عليي وفعلا اعطيناها هيك مع الدعاء اللهم جنبنا الشيطان وجنب الشيطان ما رزقتنا

المهم اتلقحو البويضات تاني يوم الحمد لله وكان الترجيع بعد يومين

بيوم الترجيع لما بلشت الدكتورة ترجع دعيت وكل شي بس لاول مرة ما بتتوتر اعصابي ما بعرف ليه استرخيت دعيت شوي ووكلت امري ل الله ولما نقلوني لغرفة الانتظار بعد الترجيع صرت احكي مع وحدة نايمة على سرير جنبي ونسيت حتى وضعي صرنا نحكي بالحياة ونتعرف على بعض
ما بعرف ليه خطر على بالي انو خليهم الله بثبتهم من عندو ليه هلا اعد فكر وادعي وشد اعصابي
وطلبت مني الدكتورة طلب انو ماااااااااااا ريح حالي وضل نايمة
والتلي انو بجوز انتي سبب عدم نجاح المرات السابقة هو انو مريحة حالك بتكوني وبصير معك تجلطات تمنع التصاق البيبي وانو اشتغل عادي دون انو تعب نفسي

المهم بايام الانتظار بعد الترجيع وما ادراك ما هذه الايام لا يعلمها الا مجرب
كنت اتحرك عادي واطلع مع زوجي روحات بسيطة وعند اهلي واهلو بس ما تعب حالي كتير اجمالا يعني اهلي يساعدوني ببيتي
بس صراحة ما نمت ابدا متل ما حكو البنات
والصلاة كنت صلي عادي واطيل السجود
وسبحان الله يا بنات والله انو في المرات السابقة كنت صلي على القاعد ال خايفة على حالي
وسبحان الله هي المرة بالذات كنت صلي عادي وقوم الليل عادي وادعي بالسجود وطول واول الله الحامي والله المثبت

بالنسبه للاعراض خلال هذه الايام ما كان في ايييي اعراض سوى انو في عرق بصدري صار واضح باليوم السابع وكنت حس حالي دافية شوي
وباليوم السادس اخدني زوجي على مول وعزمت النية اني اشتري اواعي للبيبي ولو قطعة واني ان شاء الله حامل وهاد ظني بالله
وكانت اول قطعة بشتريها بحياتي
واشتريت قطعة بتجننننننننننننننننننننننننن يا بنات لما اشتريتها حسيت حالي طايرة ما بعرف ليه حسيت حالي كاني بعالم تاني
المهم
باليوم التامن حكيت لزوجي اني بدي حلل باليوم العاشر واني ما بدي استنى وانو لو في حمل باذن الله ببين وهاد من خبرتي بالمرات السابقة
رحت استخرت
وما في بعد ساعات
الا وينزل عليي دم :icon33:
صرت ابكي ابكي لانو قبل هالمرة نزل عليي دم باليوم التاسع وفشلت العملية
لكن يا بنات ما بعرف ليه حسيت حالي ما عم ابكي على فشل العملية وانما عم ابكي على المرات السابقة ويحكيلي زوجي الله يعوض علينا ولا تزعلي صرت احكيلو انا حامل انا واثقة اني حامل وانو الله صادق الوعد :icon33:
وابكي ابكي وامي لما عرفت صارت تبكي وتهدي فيي
حكيت مع المستشفى حكولي حللي باليوم التاسع ببين لو في حامل
سبحان الله كيف الله لما استخرت اني حلل باليوم العاشر خلاني حلل باليوم التاسع
وزاد الدم عليي كتير وبلش الشيطان يلعب فيي بس اول لا ان شاء الله اني حامل
المهم باليوم التاسع عملت تحليل

وانتظرت النتيجة وكنت طول الوقت استغفر استغفر وصلي على النبي وهدي حالي
المهم رحت جيب التحليل واعصابي خلص تلفت انا وزوجي
ولا وقفت على الكاونتر بحكي للممرضة معلش بدي نتيجتي

بتحكيلي انتي ليه محلله بغير موعدك
انا هون حكيت خلص فشلت العملية :

التلها نزلت عليي الدورة
:icon33:

صارت تحكيلي كيف نزلت عليكي الدورة وفي حمل :mad:

انا لما سمعتها اطلعت على زوجي واطلع عليي ولحزات يا بنات بحياتي ما بنساها
انهاااااااااااااااااااااار كلللللللللللللللللللللللل شييييييييييييييييييييييي
دمعو عيون زوجي وعانقني بقوة وانا صرت ابكييييييييييييييييييييييييييي باعلى صوتي بالمستشفى
وهو سجد وصرت ارجف ارجف
:icon33:
انا حامل اخيرا انا حامل معقول اخيرا صرت حامل
نزلت على الدكتور وحكالي مبروك انتي حامل بس ممكن هي النتيجة من الابرة التفجيرية !!!!!!!!!!!!!!!!!!!!!!!!!!!!!!!!!!!!!!!!!!!!!
خاصة انو في دم
التلو لا ان شاء الله انا حامل
بس صراحة عيشني برعب بعدها بس ضليت ادعي ومتيقنة انو الله ما بخيبني
وفعلا بعد كم يوم اتاكدت اني حامل وعليت النتيجة
لكن صراحة يا بنات الدم خلاني طول الوقت خايفة ومو هادية اعصابي
لانو كانت دورة كاملة
وصرت كل 48 ساعة حلل وتعلى النتيجة لكن ما تتضاعف :icon33:
والمفروض بالحمل الطبيعي انو النتيجة مو بس تزيد وانماالارقام تتضاعف يعني ازا 200 تصير بعد يومين 400
بس الدكتور يهديني ويحكيلي انو في حوامل بتنزل عليهم الدورة او دم وبكملو حمل
لكن لما الارقام صارت تزيد دون تضاعف

بلشو يشكو انو حمل خارج الرحم لانو الدم استمر عليي ما يقارب 12 يوم ودم دورة كاملة ورغم هيك الحمل ما نزل

وصحيح لما بلش معي الدم وقفولي البيبي اسبرين وغيرولي المثبت من دوفاستون لتحاميل مرتين باليوم

المهم جاء اليوم اللي يقولولي انو هاد الحمل واضح انو مو طبيعي يا اما هو حمل ضعيف ولازم ينزل يا اما هو حمل خارج الرحم
وجاء اليوم اللي بحياتي ما اتخيلتو انو يقولولي ادعي ينزل هالحمل بدون ما تحتاجي عملية :icon33:
طول عمري بدعي اني احمل
وبستغرب من اللي بتقول ما بدي هالحمل وبدي اجهض
صرت انا اليوم لازم اجهض !!!!!!!! :icon33:
ااااااااااااااااااااااه الحمد لله على كل شي
الحمد لله اني سمعت كلمة اني حامل وحسيت هالاحساس ولو لايام بسيطة
الحمد لله الله اكرمني كتير والله اللي كاتبو رح نشوفو
ما بيعرف الواحد وين الخير
عسى ان تكرهو شيئا وهو خير لكم
صرت اشرب قرفة وحلبة ونط واشتغل وما خليت تعب ما تعبتو وزاد الدم
ورغم هيك لما حلل يطلع الهرمون عم يزيد والحمل ما نزل
كنت اتمنى اني شوفو لابني حبيبي على السونار بس الارقام ما بتسمح انو ينشاف لانو لسا تحت الالف الهرمون
سبحان الله كيف اتغير حالنا فجاه كنت ميتة على هالحمل وفجاه صرت اتمنى ينزل مشان ما احتاج عمليات فجاه صرت اتمنى الموت لالو مشان ما يصير الاسوا

لانو الدكتورة حكتلي ازا ما نزل بدنا نعملك تنظير نتاكد هو وين ولو خارج الرحم نشيلك قناة من القنوات :44: :icon33:
ولو هو داخل الرحم نعملك تنضيفات نزلو غصبن عنو

زوجي بيحكيلي شكلو هالولد متعلق فيكي اكتر ما انتي متعلقة في انتي نازلة تعملي اشياء تنزلو وهو رافض ينزل


المهم يا بنات بكرة بكون اخر تحليل الي ازا ما نزل الهرمون رح اعمل عملية
ادعولي الله يخترلي الخير ويفرجها عليي وادعولي انو الله يعوضني عن قريب وبتمنى انو تستفيدو من قصتي لكل مقبلة على عملية اطفال انابيب

والله يرزقنا جميعا بالذرية الصالحة عاجل غير اجل ويعوضنا جميعا عن هالايام
ولا تنسوني من دعائكم بظهر الغيب فالله اعلم بحالي
واي سؤال انا حااااااضرة