تجربتي مع الأثمد

في البداية حابة اشكر صاحبة موضوع تكلمت فيه عن الاثمد وكيف طول رموش عيونها .
كنت في تلك الفترة مقررين نروح العمرة في يوم من الايام وانا نازلة في السوق تحت السوفيتيل شفت كحل اثمد جدامي سألت صاحب المحل شو كحل اثمد اصلي عندك ، عطاني كحل اثمد اصفهاني مكتوب عليه ، وعليه حديث الرسول عليه الصلاة والسلام .
رحت للمحل الثاني وقالي بعد هذا هو الأصلي وكان منه لونين احمر واسود خذيت الاثنين.
جربته صارلي الحين شهرين تقريبا والحمدلله ورموش عيوني طولت شوي، بس الغريبة رموش عيوني اليسار طولت اكثر من اليمين. كنت استخدم الاحمر باليل قبل ما انام ومباشرة انام بس تراه حار مؤلم جدا في العين أذكر اول ما حطيته يمكن تميت اكثر من 5 دقائق مغمظة عيوني ما قادرة افتحهم ، بس بعد فترة صار عادي يعور اول شيء بعدين تحسينه عادي ، واستخدم في الصبح وانا رايحة المدرسة الاسود ،

بس اهم شيء الايمان ،"وما ينطق عن الهوى ؛ إن هو إلا وحيٌ يوحى "


هو محطاي في علبة خشب ومعباي في تعبئات مالة العطور وسعره موحد ربع تولة ب 50 ريال .

قلت افيد بنات عالم حواء عنه