وبه نستعين
لكثرة الأسئلة على الخاص من الأخوات عن تجربتي مع الأجسام المضادة والأبر المسيلة للدم.. قررت أكتب هالموضوع أجمع فيه كل خبرتي مو لشئ إلا لأني ما أتواجد دائماً بالمنتدي..
بداية,
حملت بعد زواجي مباشرة و مع تحاليل الدم اللي يسوونها بالبداية كـ روتين.. اكتشفوا إن عندي ANTI-E ANTIBODIES
وقتها ما أعطوها أهمية قالوا لي نسوي تحليل دم لزوجك وسووا له تحليل فصيلة وأجسام مضادة طلعت فصيلته نفس فصيلتي O+ وما عنده أجسام مضادة..
طبعاً اللي سووه ما كان له أي علاقة بحالتي.. يعني الزوج في حالتي ما له أي علاقة..
مشي الحمل طبيعي ولله الحمد إلا إن وزني كان يزيد كل شهر 4-6 كيلو رغم إني كنت أدرس بالجامعة وقتها ومشي الجامعة طبعاً..
بدت المشكلة لما دخلت الشهر الثامن.. بدا فيني طفح في البطن زي هذا
خلال أسبوع ومع النصائح الخاطئة (بحسن نية طبعاً) زاد وصل للصدر ونزل للأفخاذ.. ما كملت أسبوعين إلا وصرت زي كذا
الأطباء شخصوه على إنه حالة PUPPP وهي حالة طفح جلدي تصيب بعض الحوامل لأول مرة غير معروفة الأسباب ولا تتكرر في الحملات القادمة واعطوني له المحلول حق العنقز الوردي..
زادت الحالة سوءاً وأنتفخ وجهي وانصكت جفوني غدا وجهي كأنه قرص تميز ووزني زاد بشكل غير طبيعي صرت ما أطيق أحد يلمسني ونفسيتي طبعاً في الحضيض..
ساعتها رحت لطبيب الجلدية.. دخلني تنويم وأعطاني كورتيزون ومضاد هستامين كم يوم وتحسنت الحالة شوي.. ونزل وزني كم كيلو..
بعد ما طلعت من المستشفي بأقل من أسبوع وعلى نهاية الثامن جتني ولادة مبكرة ورزقني الله بطفلة جميلة سليمة ولله الحمد وزنها 2 كيلو (طبيعي بالنسبة لوقت ولادتها)
بعد الولادة خف الطفح كثير وإن كان يعودني كل فترة بس مو بالشكل اللي كان وقت الحمل.. إلين اختفي تماماً بعد كم شهر من الولادة..
يتبع
- حتى لو كنتِ بعز الشتا لا تلبسين صوف أو ملابس حارة..
- لا تتشطفين بموية دافية ولا ملح لأنه يهيج..
- لا تحطين فازلين او أي كريم ثقيل لأنه يرفع حرارة الجلد.. ولا تستخدمين كريم زيدة الكاكاو حق الحوامل لأنه ممكن يسوي حساسية..
- قدر الإمكان ألبسي قطن وخليك في مكان بارد.. أنا كنت أولع المكيف البارد بعز البرد ولا أحس فيه..
- استخدمي المراهم المضادة للهستامين حسب وصفة الطبيبة
- زوري طبيب الجلدية عشان أي طفح جلدي أو تغير يصير لك وأنتِ حامل..