مريت بفترات من الاكتئاب بعضهه كنت اعرف السبب مثلا اذا ابتعدت عن الصلاة او قصرت بيهه اذا سمعت اغاني...الدين مو واجب هو غذاء الروح وبمجرد ان نبتعد عن الله اروحنا تعطش وتجوع ونحس بهذا عن طريق الاكتئاب.
نجي الاكتئاب الي من دون سبب تحسين هموم الدنيا كلها على قلبك...الاكتئاب هو الطاقة السلبية لاي موقف سلبي ...مثلا تعاركتي مع زوجك وقال لك كلمة تغثك من جد حتى لو اتصالحتوا هالكلمة تضل تحفر بقلبك...شفتي ستوري كئيب لوحده كاعده ٢٤ ساعه ستورياتهه ومنشوراتهه هم بهم...او تشوفين وحده تنشر كله طلعات و ونسات مع عيالهه وانتي ما لاقيه احد يقلك صباح الخير.....باوعتي ع المراية وشفتي جسمك شصار بيه بعد ما كان يخبل... درستي وتعبتي لكن ما حصلتي تعيين وهذا عكس توقعاتك...دخلتي بمشروع وفشل...صديقتك او اقاربك تغير عليك...اكيد مليتي من التعداد ...لان هذه المشاكل البسيطه كلهه تجمع وتكون طاقه سلبيه ...الاكتئاب مثل حصالة الفلوس كل ما يمر عليك موقف سلبي ينزل بحسابك طاقه تزيد الاكتئاب والحساب يجمع بمرور الايام والسنين لحد متحسين ان قلبك خلاص بينفخر من الهم وما تعرفين ليه كذا........زين شنو الحل...كل هذه المشاكل هي جزء من الحياه ومستحيل نتخلص منهه ومن أثرهه ...كنت دائما ادرس نفسي وافكر ...لحد مسألت هو شنو عكس الاكتئاب...السعادة..الانفتاح ...ايا كان الي عكس الاكتئاب ...شلون احصل عليه ....اني لازم اكون سعيدة ...شنو احتاج ...ها اني معندي وظيفة اكيد اذا توظفت اكون سعيدة ومستقلة....لكن اختي واخوي متوظفين اكثر من سنتين وهمه مكتئبين اكثر مني....الاطفال اكيد همه زينه الحياة...بس هذه امي عدهه اطفال واشوفهه من كنا صغار مكانت سعيدة وحتى صديقاتي الامهات...لحظه اني اصلا ما متزوجة ...اذا اتزوج والكه فارس احلامي راح ينقذني من هذه المشاكل واعيش مثل ساندريلا...لحظه !البارحه صديقتي نور اتصلت وكانت تبكي ومتعاركه مع زوجهه وحتى ضاربهه...وهدى ناشره ستوري حزين رغم انو هيه متزوجة......يااا ناس يا عالم دخت شلون اكووون سعيدة...زين هو شنو اسباب السعادة ؟الصحة...ياما شفت ناس مقعدين ومشوهين وعايشين بسعادة وعكسهم اصحاء ومهمومين...الفلوس...اكثر الناس الي تعاني الاكتئاب همه الاغنياء.....وإستمر النقاش مع نفسي لمدة سنتين ........ زين شنو الي يمنع اكون سعيده الان...اضحك مع عائلتي وابتسم لكل من حولي ...شنو المانع البس واتكشخ كأني رايحه لفرح ...شنو الي يمنعني انو اكون سعيده .....بعد شهر من التفكير والتردد.....خلاااص حياتي مستحيل تكون كاملة لا زواج لا تعيين لا طلعات لا ناس تتمنالي الخير خلاااص لازم أقرر...بس شنو أقرر..أقرر اني اكون سعيدة....اني اكعد كل يوم الصبح بابتسامه عريضه و صباح الخير للكل......اني معندي زوج يحتويني ويحضني خل احضن امي ...معندي زوج اشكيله همي خل اشكي لصديقتي .....من اليوم انا ارقص كل صباح مع امي ....اعرف ان صوتي ليس رائعا لكن سأغني مع اختي ...اعرف اني مذنبه لكن سأدعو ربي فهو الذي يغفر الذنوب كلها ....الدنيا لا ولن تضحك لي لاضحك للاخرين وسيبادلوني الضحكة ....نعم السعادة قرار وقررت ان اكون سعيدة....بعد شهر...امي ما سر سعادتك هذه الايام .....وهل هنالك سبب لاكون سعيده يا امي .....صديقتي ....انتي قلتي لي ان حياتك مليئة بالمشاكل هل حلت المشاكل.....وهل يجب عليه ان انتظر ان تحل مشاكلي لاكون سعيدة ...أنا سعيدة لانني قررت ان أكون كذلك ❤️.