اهلين يسعد صباحكم
انا الى الان مصدومه...
امس السبت عندي ماده لاستاذ يعيد الاسئله ومايصحح وانا كل مره اذاكر واخذ الاسئله واقطع عمري بالمذاكر وبالاخير يعطيني جيد ,, دايم في كل امتحاناته,, حتى اصحح اجوبتي مع صديقتي وتصير نفسها وتاخذ ممتاز والا جيدجدا وانا معلق على جيد مدري من حالف عليه مايغيرها...

المهم هالسنه طنشت المذاكر ولا اخذت المنهج كله والاسئله اخذتها من عقب الشهري,, والاربعاء نمته كله وقمت 12بالليل صباح الخميس الا والقى بالجوال مكالمات ومسجات من وحده من البنات ,,اول مسج تطلب المنهج وثاني مسج تقول انها لقته ..

انا طنشت وقعدت عالنت الى 2,, واقرى موضوع هنا بالمنتدى عن تجربة وحده مع الاستغفار انها لقت في قناة المجد الشريط اللي يمشي "جعل اللي تستغفر 500مره ماتنتهي الاجازه الا همومها مفروجه ومتوفقه..وكتبت الطريقه اللي تحسبين فيها

تركت النت واخذت اوراقي حقت الامتحان وقعدت اكتب عليهم واحسب عشان ماالخبط واستغفر..
ورجعت للنت ,, والمنهج جمبي شوي اناظره وشوي النت,, يوم جت 12الظهر وترسل البنت تبين التحديد دقي,, قلت:لا تسلمين بذاكر اللي عندي.. (يعني سبحان الله كأنه الا غصب اخذ التحديد)
قامت البنت ودقت وقالت وش تتذاكرين ووش تحيدتس وطلعت مذاكره شي محذوف وشي مادريت انه معنا سبحان الله وتعطيني التحديد والاسئله الجديده عدت معي حول 10دقايق..

انا اخذت المنهج ونمت مصره اني ماابي اذاكر وماقمت الا 12 وذاكرت مذاكره تقدرين تحلين نص الامتحان ,, ورحت وحليت مثل ماكنت احل كل سنه مع مذاكرتي واجتهادي وتعبي و كنت اقعد الاربعاء والخميس اذاكر والجمعه مراجعه..وانا مافتحته فتحه سنعه الا الجمعه 4ساعات وعقب ماطلت من الامتحان واقوم واستغفر لين قلت بس ..........الحمدلله