تجربتي مع الاستغفار و سورة البقره

حبيت اقولكم تجربتي مع الاستغفار

هي قصه قديمة شوي وقتها كنت ادرس بالمعهد

المهم جا وقت الامتحان الفاينل وكان مراا صعب يعني تخيلو انه نمتحن كل المواد في يوم واحد وكلها دسمة
<< طبعا كانت صدمه بالنسبه لي لان في البدايه كان كل ماده لها يوم وف الاخير طلع كلها في يوم واحد

المهم وقتها كنت اسمع عن الاستغفار و فضل سورة البقره
واستمريت فيها كنت كل ماااخلص صفحه استغفر (استغفر في كل اصبع 30 مرا علي يديني الثنتين )
واذا تضايقت اقول حسبي الله لا اله الا هو عليه توكلت وهو رب العرش العظيم 7

وقبل لا انام اقرا صفحه او ثنتين من سورة البقره وصلي واناام

وتميت جذيه لين خلصت مذاكره
وفي يوم الامتحان وقبل لا اروح اختبر صليت ركعتين ودعيت ربي اني اييب نسبه ممتازة وتكون 100% << متاامله حدي :icon20:

وبعدها طلعت من البيت وطول الطريق كنت استغفر وادعي اني اييب نسبه الكامله

وكنت حييل خايفه من الامتحان خاصه ان الدراسه كانت حييل صعبه وثقيله و غير كذا انها كانت سبع مواد في يوم واحد << ضغط نفسي بمعنى الكلمة

و الحمد الله في الوقت الي كنت رايحه فيه الامتحان ياني برود عن ادعيه لدخول قاعه الامتحانات وادعيه استلام الورق .. الخ وربي كانت في وقتها

اول مادخلت القاعه صرت اقول الادعيه

بناات تخيلوو اول مااستلمت الاسىله كااانت وااااااااااايد سهله
لدرجه انه مااخذت ربع ساعه او اقل وحليت وطلعت الحمد الله

وبعدها بجم يوم رحت اشوف النتيجه ولا انا يايبه 90 % صج مو نفس الي كنت ابيها بس يكفي انها كانت امتياز::icon28:



وهذي قصتي البسيطه مع الاستغفار

بناات ابيكم تدعون لي ان ربي يشفي امي وابوي و يحقق لي الي اتمناه وان رفيقات عمري يردون لي ويجمعني بالشخص الي ابيه :44: