تجربتي مع الاكتئاب والأمراض النفسية

السلام عليكم ورحمة الله وبركاته ،، شفت كم استفسارات لأخوات يعانون من أمراض نفسية (تصيب النفس) وللأسف البعض يعنقد انه هالشي يفشل والا عيب ،، مو مستوعبين انه الأمراض النفسية مثلها مثل الأمراض الجسدية ،،،،،،،،، للأسف البعض يعتقد انه مريض نفسي علاجك قران وخلاص،، ايه نعم القران علاج لكل الأمراض والله ذكر هالشي (وننزل من القران ماهو شقاء ورحمة) لكن مايعني انه نهمل الدواء،،، اللي معهم سكر والا لخبطة هرمونات الغدة هل بالامكان نقول لهم اعتمدوا عالقران لحاله بعلاجكم وتطيبون ؟؟؟؟ انا انصح جميع المرضى يقرأون القران ويجعلون لهم وقت يومي لقراءته لكن هذا مايعني انهم مايتعالجون بالعلاج الطبي اللي الله أباحه …………………………… أنا سبق أصبت باكتئاب شديد جددددا وأصبت بنوبة هلع بعد ولادتي للبنت وهي متوفية بالبيت(ذكرت لكم قصتها قبل ) ………. المهم لما صابني الاكتئاب تمنيت الموت ، نوبة هلع من جهة واكتئاب من جهة ، ولله انه شي صعب جدددددا جدددا ، مايحس فيه الا اللي جربه وجعلكم ماتجربونه ،،،، ولله طلع تحت عيني مثل العلامة من كثر ما ابكي ، احساس بالضيق لدرجة ودي اموت ، اعتزلت كل الناس ،،،،،، وثم الحمد لله الله يسر لي وحدة من صحباتي قالت لي اروح لعيادات ميدي كير بالرياض،، مو اعلان لهم وممكن عندهم اطباء زينين واطباء لا ،، انا رحت لهم وانا بأقوى مراحل الاكتئاب وعطاني الدكتور مجموعة من الادوية ،، اول شي خلال ايام بسيطة خف الهلع ، وثم خلال اسابيع راح الهلع والحمد لله،،،، بس كان باقي الاكتئاب ،، الهلع مصيبته انه حالة تجي و الشخص يحس انه بيموت ويخاف ،،، الحمد لله راح الهلع ولا عاد جاني مرة ثانية ،، اما الاكتئاب استمريت اعالج منه مدة سنه كاملة الى ماتعافيت منه ، ماتوقعت انه بتعافى واترك الادوية ، كنت بآخر مراحل العلاج خايفة اترك الادوية ، فكان الانسحاب من الادوية عن طريق تخفيف جرعات الادوية كل شهر وثم بالاسابيع ،،، بدأت ارجع لحياتي الطبيعية الحمد لله وثم رجعت لشغلي ………………. المهم اللي ابي الكل يركز عليه اللي يبي يتعالج لا يهمل القران والرقيا ولا يهمل العلاج ،، لأن اليقين بأن الله هو الشافي وان بالقران علاج يساعد ،،، استمروا على سورة البقرة وان صعبت عليكم بالبداية، ،،،، انا كانت صعبة شوي بالبداية خلال اول شهر ، ثم بعدها لا صرت اقوى نفسي واقراها ،، وثم صرت اشتاق لاخر الليل عشان اقراها ،،،، ايام اقراها على سريري وانا متقبلة القبلة واقراها من الجوال اسهل لي عشان زوجي يكون نايم ،،، وايام اقراها بصلاة الوتر (كل ركعه اقرا خمسين اية) ، مثل اليوم تعبانه شوي فأخذت لي دش وانسدحت (سريري مقابل القبلة)، وبديت بالمعوذات (من أجل الاجر والرقيا) والمهم سبع مرات للفاتحة وثم الفلق والناس والاخلاص ثلاثة وثم التعويذ بما ورد من الرسول ،، ثم اقرا سورة البقرة كاملة بدون تقطيع ،، الجميع تعود انه هالوقت محد يكلمني ،،، بعد ما اخلص قراية انفث على نفسي والموية والزيت اللي عندي وثم ارفع يديني وادعي ربي (حتى لو فيني الدورة ) الدعاء مشروع يابنات بكل وقت ،،، وفيه اوقات افضل من غيرها ، انا احب الثلث الاخير مت الليل عشان الله ينزل سبحانه وعشان الهدوء ،،،،،،،،،،،، اي وحدة فيها اكتئاب لا تخاف وخل تقاوم وباذن الله بتطيب ….. دعواتي لنفسي ولكم جميعا