تجربتي مع البنج النصفي ,,, اللي متردده تدخل ,,,
مرحبا كروشات وبالذات اللي ينتظرون عمليه قيصريه ,,, تجربتي طااااازه مالها الا اسبوعين.... والله داخله النت مخصوص علشانكم والا انا ماعندي وقت افضي ابد بس لاني مقدره شعور كل حامل تنتظرها عمليه ومحتاره بين البنج النصفي والكاامل وحابه اقولكم انه مافيه مقارنه بين الاثنين والنصفي اريح بالف مره ,,, صح الم العمليه بعدين نفسه بس والله ترتاحين من الكحه والبلغم والالام البنج الكامل اللي اكيد تعرفونها زين انا كانت هذي عمليتي الرابعه وندمااانه اني اول مره اجرب النصفي ,,, رااااائع ولاتخافون من انكم تكونوا صاحين اثناء العمليه ترى ماتسمعون اصوات كثير عااادي الوضع وممكن ينومونك شوي ماتحسين وتشوفين البيبي على طول ,,, توكلوا على الله وانسوا البنج الكامل فالقيصري الى الابد ,,,,,وبقولكم على سر ,,,, ترى بعض الدكاتره مايشجعون على النصفي لان الكامل اريح لهم هم اثناء العمليه علشان عضلات البطن تكون مرتخيه كثير فتسهل عليهم العمليه ,,, فانتم اختاروا النصفي وصمموا ولاتترددوا ابدا ,,,, ادعولي ان الله يوفقني بحياتي ويرزقني بر عيالي ورضا امي وزوجي ,,,, تحياتي لكم
63
64K
يلزم عليك تسجيل الدخول أولًا لكتابة تعليق.
همس الليالي@
•
الحمد لله على سلامتك وعلى سلامة البيبي والله يعطيك العافية مشكورة
الصفحة الأخيرة