نايس1 @nays1
محررة برونزية
تجربتي مع التثبيت
االتثبيت هذه تجربتي
--------------------------------------------------------------------------------
السلام عليكم ورحمة الله
بنات شفت كتير من البنات نجحو في انقاص وزنهم ماشاء الله ولكن يواجهون مشكله في التثبيت وطبعا لا يؤمن احدكم حتي يحب لاخيه مايحب لاخيه ما يحب لنفسه
فلذلك
حابه اكتبلكو تجربتي بخصوص التثبيت
انا في البدايه كان وزني 87 ونزلته الي 65 والحمد لله
المهم تجربتي بقي بالنسبه للتثبيت وانا قعدت شهور محافظه عالوزن
اولا انا كنت بصحي بدري وانام بدري وده مهم جدا طبعا
ثانيا كنت في الاواخر بشرب عالريق قشر قهوه وعليه زنجبيل واعشاب
ثالثا كنت افطر عادي ولو نفسي في جاتو او كرواسون استبدل الافطار به وبكدا مكنش اخدت سعرات زياده واكلت الي انا عاوزاه وانا فاكره ان في العيد كنت عامله تخفيف وكان طبعا في كحك وكده لكن انا قرات ان الكحكايه فيها 100 سعر مصيبه طبعا فكنت بستبدل الفطار بكحكه وبيتيفوره وبسكوته واشرب شاي باللبن وبكده يكون فطاري سعراته عاديه
رابعا كنت اكل الغدا عادي ولكن بدون اسراف مع الاكل ببطء ومحاولة عدم الاكثار في الدهون وكنت اكل غالبا بعيش
خامسا كنت كتير عالمغرب اجيب حاجه حلوة مع عيالي انا سمعت ان الحرق المغرب بيكون عالي بس مكنتش بفتري ممكن شيكولاته واحده ومتكونش كبيره
سادسا كان عندي علطول سفن دايت في البيت انا عارفه انه مش تمام وان الداكتره بيقولو بيتخن برضه بس اكيد ارحم من العادي ومن العصاير العاديه ومش شرط ان اخد كتير ممكن اشرب بق صغير بعد الغدا او لما احس اني محتاجه شيء حلو
سابعا العشا غالبا بيكون خفيف زبادي بالعسل ولكن مش هكدب ساعات كنت بتعشي مع اسرتي كانو بيقلو طعميه او يعملو فول بس كنت اخد ربع رغيف او نص بالكتير مع الاكثار من الخضار لان سمعت انه بيمتص الدهون وبيحسس بالشبع والالياف عموما حلوة
ثامنا بين الوجبات كنت اخد خيار او جزر او تفاح او برتقال اي فاكهه منخفضه السعرات
تاسعا كنت احاول اقضي مشاويري مشي مع اني كان معايا سياره واقودها وعلي فكره انا وزني مبتداش يزيد الا لما جبت السياره قبلها كان ثابت مهما اكلت او اتعشيت لان المجهود بيحرق
بالاضافه لكده ساعات كنت امشي نص ساعه في الصاله لو جت فرصه
وبس كده وزني كمان كان 67 وانخفض الي 65 بالطريقه دي بس في شهرين مثلا
المهم يا جماعه اكل الليل اسوا شيء ابعدو عنه وكلو بالنهار ال انتو عاوزينه بس متكركبوش الاكل علي بعضه يعني اكلتي حاجه استني لما تتهضم وبعدين كلي التانيه وده بياخد ساعتين مثلا والرسول صلي الله عليه وسلم نهي عن انك تحطي اكل علي اكل يعني الواحد ميلخبطش كذا نوع اكل في معدته ومياكلش تاني الا لما الاكل الاول يتهضم
المهم قعدت شهور بهذا الوزن او كنت ازيد وانقص من غير ريجيمات ولكن لما جيت السعوديه كل شيء خرب للاسف لان المغريات هنا ماشاء الله كمان كان بقالي فتره بعيد عن زوجي والتقينا فكل يوم ناكل في نطعم او نجرب اكلات جديده والاكتئاب وقلة الحركه كان ليها دور
زدت حوالي 6 كيلو او 8
يا رب اكون افدتكم وادعولي اخس الكيلوات الزايده علشان اثبت معاكو
,وارجو ان كل واحده تدخل ترد عليا وتدعيلي وتقولي رايها ولو ليها تجربه تذكرها وشكرا
30
3K
يلزم عليك تسجيل الدخول أولًا لكتابة تعليق.
نايس1
•
شكرا عالنصايح الحلوة وبجد مفيدة بس انتبهي لنفسك وحاولي بسرعة تنزلي الكيلوات الزايدة لأني أحس أكتر من خمسة كيلو زيادة صعب نزولها وممكن تزيد كمان و الواحد مايحس بنفسه يعني شوية تلاقيها عشرة كيلو لكن أقل من كده ممكن تنزل من غير معاناة شديدة وحرام ترجعي لوزنك السابق قبل الرجيم .. يارب نخس كلنا واحنا بصحة و عافية ..شكرا عالنصايح الحلوة وبجد مفيدة بس انتبهي لنفسك وحاولي بسرعة تنزلي الكيلوات الزايدة لأني أحس أكتر...
شكرا يا جميل علي ردك وعندك حق وفعلا الاول الزياده كانت 2 كيلو قلت مش مشكله في السليم وشويه شويه الكيلوات بتزيد وبتلاقي شكل الجسم ابتدي يبوظ
الصفحة الأخيرة
يارب نخس كلنا واحنا بصحة و عافية ..