السلام عليكم ورحمة الله وبركاته
بنات بقولكم تجربتي مع التشققات البيضاء والحمرا ،،
انا عندي تشققات بيضاء لهاا تقريبا 12 سنه من اول مابلغت كنت اسمن وانحف وطلعت فيني
طبعا احنا قبل مانعرف هالسوالف ولا امهاتنا بس لما تزوجت كم مره سألني زوجي عنها
قلت له انها قديمه ومستحيل ترووح
ولما حملت طلعت فيني تشققات حمرا لاني بصراحه ماكنت مهتمه هذاك الزود
بعد ماولدت جربت خلطه والله يابنات يشهد علي ربي ان الخطوط الحمرا اختفت
والبيضاء شبه اختفت يعني تقريبا راحت 80٪ انا صورتهاا قبل ابدا وصورتها بعد شهر
شي مو طبيعي يابنات والله ماكنت اصدق انها تصيير كذا فرررق كبير
تقريبا بعد اسبوع بدت تبين معي النتيجه ولما كملت شهر خفففففت بالمرره
بعدها احس صارت ماتعطي نتيجه يمكن اللي بقى مايروح
الخلطه هي ؛
علبة زيت جنين القمح من وادي النحل
علبتين زبدة الكاكاو من بالمرز
اخلطهم مع بعض واذا حسيت انها ثقيله ازيد شوية زيت زيتون
وادهن جسمي فيهم كنت احطهم وقت النوم واذا قمت اغسلهم
واغلب المرات اتسبح قبل احطهم بس مو دايم مع انه الافضل تحطينه بعد ماتتسبحيين
لان الجسم يكون نضيف والمسامات مفتوحه
هذي تجربتي يابنات اتمنى اني اقدر افيدكم مثل ماستفدت منكم ربي يجزاكم كل خييير