الحمدلله على سلامتك
طيب تضضييق اشدخل المثانه
اش كانت مشكلتك ؟ توسع؟

ليه بكره ليه مو اليوم؟ شمعنى؟😂
الله يكتب لك الخير

نكمل 💙
المهم قبل العمليه بيومين او ثلاثه راسلوني المستشفى قالو بتدفعين ٢٠٠٦ ريال نسبة الدكتوره ماتغطيها التآمين قلت اوك
رحت الخميس الساعه ٣ الفجر للمستشفى رحت مكتب الدخول دفعت ٢٠٠٠ ريال وطلعوني للغرفه كنت باتم نشاطي الحمدلله ودايخة للنوم رحت ببجامتي وشبشبي ماخذت معي ولا ملابس تروشت في البيت وطلعت طبعا ، دخلت غرفة التنويم فصخت عباتي وشحنت جوالي وقلت بنسدح للنوم الين يجون مانمت على طول المكان جديد علي ، جتني الممرضة قالت ممنوع الاكل والشرب قلت طيب بردانه ابي بطانيه جابت لي بطانيه
توني بنام جابت لي حقنه 😭 جلست نص ساعه وانا مغص من كثر الالم بغيت ارجع تكرمون بعد ماهداء كل شي انسدحت ونمت شوي
جت الساعه سبعه صحوني قالو يلا عشان عمليه لبسوني شرابات ضاغطه ولبس العمليه وركبو الابره قلت اصبروا بصلي الفجر 🙁
قالت طيب صليت الفجر وانسدحت ع السرير اللي يدفوني فيه
وهم يدفون جآتني سواليف انا طيبه ومافيني الا العافيه ليش جيت هنا وش خلاني اجيب التعب لنفسي المهم بين الخايفة والمتحسفه والمتوهقه
رحت غرفة التخدير جت الدكتوره قالت تبين تضييق مره قلت لا بس المتمزق خيطيه قالت اوك
جاء دكتور الدختير قال نصفي او كامل قلت نصفي كان الدكتور وهيييييب يده خفيفه ماحسيت بشي ابد معطيني اظن مهدئ قبل ابره الظهر ، المهم خدروني وجلست اهلوس والدكتوره تشتغل اخذت تقريبا ساعه
بعدين ودوني غرفة الملاحظه وحطوا تحتي انبوب هواء ساخن يدفيني
وقالو لاترفعين راسك
انسدحت الين خلص المغذي وتآكدو من سلامتي ومن الدم
ودوني لغرفتي وقالو لاترفعين راسك
اتصلت ع امي وعلى زوجي اطمنهم اني بخير
المهم الساعه ١ونص الظهر جابو شاي وشوربه حاره تهبل عقب الصيام
وكانت فيني قسطره ماشالوها
بعد مااكلت شالو القسطره قالو مافيه خروج الين تروحين الحمام
شربت عصير كثير ومويه عشان اخلص من هالسالفه واطلع
بديت احرك رجليني بس البنج لازال بالمنطقه اللي تحت يعني العضل المسه ماحس فيه
المهم رحت غصبت نفسي طلعت قطرتين وقلت خلاص طلعوني انا طيبه ابي اطلع
كتبوا لي خروج وعطوني ادويه طبعا قبل ادخل العمليه دخلت ع حسابي وحولت لثنتين محتاجات تدفع البلا عني
جتني قبل اطلع مشرفه عطتتي ورقه قالت بيرجعون لك ٢٦٩ ريال خذيها من الصندوق اجرة الدكتوره ماجتني بعد العمليه
طلعت لبيتي ماقلت لبناتي شي لقيتهم مستعدين بيروحون بيت خالتهم قلت يالله بروح معكم
دخلت ع اختي جلست شوي بداء البنج والمسكنات يروحون وجهي واضح تعبانه واصفر كلمت زوجي قلت تعال خذني ماقدر تعباااانه 😭
رجعوا بناتي قلت لهم اني مسويه عمليه توقعت الموضوع سهالات
المهم اخذت المسكن والتحميله وشراب ملين بس مازلت تعبانه جسمي مهدود مره وتعباااانه
جاء الفجر مانمت من الالم رحت للطوارئ عطوني مسكن في الوريد ورجعت
ثالث يوم كني بديت احسن
رابع يوم الالم زاااد مع الدوره ووجهي شيفه اخذت مسكن وتحاميل والدواء الملين
كانت المنطقه منتفخه واحط كريم ابو اسد
رابع يوم جاني مغص في البطن كانه نزله معويه وكل شوي الحمام . وقفت الملينات يومين ورجعت اخذها
لي اسبوع الان من الخميس اللي راح مازال الالم موجود بس اخف بس حتى لا اقدر امشي ولا اوقف واذا بغيت اروح الحمام تكرمون الم موطبيعي
الالم كآنه في الصفاق
اليوم ماخذت مسكنات الالم مقبول لكنه الم يمنعني من الحركه
التورم بداء يخف ، الدم مازال يصب ،
بعطيكم التفاصيل كل يوم ان شاء الله

اليوم الجمعه يعني لي اسبوع ويومين من يوم العمليه لازال الم ودم
افكر اخذ تحميلة فلتارين 😭

ياعمري انت الحمدلله على سلامتك
الله يهون عليك باقي الايام وتقومين بالسلامة