تجربتي مع التقشير الكيميائي للركب

السلام عليكم ورحمة الله وبركاته
حبيت افيكم مثل ما استفدت منكم في اشياء كثير
في البداية انا عروس وقررت اروح اسوي تقشير كيميائي للركب عند دكتورة جلدية ورحت للدكتورة ووضعت محلول كيميائي باستخدام اعواد القطن حقت تنظيف الاذن حطت لي اول طبقة وقالت حسيتي بلسع قلت لها لا وحطت لي طبقة ثانية وثالثة وركزت على اسفل الركب بعدها بديت احس باللسع بس على خفيف طبعا المحلول اسمه العلمي تراي كلور اسيدtca ,وبعد 5 دقايق حطت لي كريم فوسيدر احمر وصرفت لي ميبو حق الحروق والجروح وفوسيدير الاخضر مرتين في اليوم وقالت لي انها بتسود المنطقة ثم بتجف وتتقشر من نفسها وانتبهي تحاولين اتوخرين القشور خليها تنزل من نفسها وفعلا بدات تتقشر بعد اسبوع وبعد 10 ايام راحت الق شور تماما وطلعت ركبتي الجميلة وطبعا هي قالت لي تعالي لي بعد ماتتقشر اعطيك خلطة تبييض بس ما عاد جيتها وصرت استخدم الدوكين فورت
طبعا التقشير الكيميائي يشيل 50%من السواد بعد ها انتي سوي مرحلة الترطيب والتفتيح هذا غير شكل الركبه يصير احسن من قبل وملساء وناعمة
وبالاخير تجربة انصح الكل بتجربتها وماكلفتني الا 150 ريال حق الكيميائي
ملاحظة طول الفترة ذي احط تحت السجادة مفرش عشان ماتحتك بالارض كثير

ودعواتكم لي ان الله يتمم لي على خير: