تجربتي مع التقشير الكيميائي والرعب اللي أعيشه بعده :"( طمنوني//قديم

السّلام عليكم ورحمة الله وبركاته ..
من أين أبدأ ومن أنتهي ..
أنا يا صديقاتي فتاة تبلغ من العمر 19 عاماً ..
وجهي فيه آثار حبوب وأي حبة تطلع لي كانت تترك أثرها .. والمشكلة في أماكن واضحة في الوجه
كنت متضايقة جداً من الوضع وأحيانا تجيني فترات اكتئاب مزمن منها وأبكي ..
المهم تضايقت من الوضع وقلت لأمي أبي أروح دكتورة جلدية !!
توكلنا ع الله ورحنا أمس الصباح لعيادات البدري لأن وحدة أعرفها قد راحت لها ومدحتها ..
دخلت ع الدكتورة وشافت بشرتي ، قالت أنتي ما تحتاجين ليزر ولا روكتان
عندك حلين :
يا إما علاج طويل الأمد عن طريق الكريمات (من 6 شهور إلى 10 شهور)
أو علاج قصير لمدة شهر تكوني خلصتي 50٪ من المشاكل وهذا عن طريق التقشير لمدة شهر على أربع جلسات!!
أنا طبعا ما أعرف ايش هوا التقشير ولا سبق بحثت عنه وهذا من غبائي للأسف !!
قلت لماما أوكيه أبي العلاج قصير الأمد عشان أنا ملولة ولا أستمر ع الكريمات ..
مع العلم إني عطيت الدكتورة خبر إني أدرس في الجامعة وما أبي يكون فيه أي عوارض!!
قالت لا أبدا ومدري ايش
المهم رقدت ع السرير وحطت على وجهي أول شيء منظف ، ثم حطت المقشر الكيميائي وهو عبارة عن شيء لونه برتقالي!!
ويحرق مرررررة وقالت لاتغسلينه قبل أربع ساعات !!
بعدها حطت شيء يبرد على وجهي وراحت الحرارة ..
ثم أعطتني غسول منظف من سيتيفيل وكريم مرطب من سيتيفيل
وحبوب وكريم لليل وواقي شمس .. وقالت راجعيني بعد أسبوع للجلسة الثانية..
إلى الحين ماشين تمام ؟
بعد مارجعت البيت وبعد أربع ساعات غسلته ولاحظت الاحمرار الشديييد في وجهي واستمر الاحمرار إلى الليل ، المصيبة من بكرة ايش صار !!؟ وجهي سممّممر مرررة وصرت كأني مسوية تاان :frown:
ومازلت على هالحالة لحد الآن لكن خف الاسمرار شوي ولاحظت فيه قشور صغيرة تطلع :ohmy:
وهذا هو فقط اليوم الثاني من بعد التقشير !!
اللي جرب التقشير هل حالتي طبيعية ولا لا طمنوني أرجوكم
وايش راح يصير لي بعد هالمرحلة !!؟ :frown::frown:
وهل لازم أوقف الجلسات لأني أدرس في الجامعة ؟
الله يجزاكم بجناته ويجعل لكم من كل هم فرجا ومن كل ضيق مخرجا
أنتظر ردودكم على أحرر من الجمر :"(