تجربتي مع التكميم وبليز يامشرفات

هلا اختى.....جنووبيه.....

ايه تكفين

هلا حبيباتي
اول شي انا كنت سمينه وزني فوق الميه😢
وحاولت جميع انواع الريجيمات وانزل كم كيلو وابطل وارجع دبل الوزن
لين جاء يوم وقررت اسويها وكنت اقرا واتصفح عن التكميم وااجمع اكبر قدر من المعلومات
ورحت زياره لاهلي اهلي بالاجازه يكونون في الرياض وبالدوام بالقويعيه بحكم ان اخوي بالجامعه فيها
المهم رحت زياره لهم ورحت لدكتور ودخلت عليه بميتين وسالته عده اساله وجاوبني ووضح لي كل شي
وفاتحت زوجي بالموضوع ورفض قطعيا وقال لاعاد تفتحين السالفه
المهم ان زوجي كان دااايم يعلق على سمنتي واني غير مقبوله وانه يبيني انحف وبصراحه كان يعايرني بسمنتي اذا صار موقف او شي
فمره رحنا نتمشى ووقفنا عند الخيل هو يحب ركوب الخيل قال تخيلي تركبين الخيل وقام يتهزأ طبعا ماجادلته ولاقلت شي مع ان لساني طويل 😬 استغرب سكوتي وبعدها بأسبوع رحت لاهلي زياره وارسلن له اني ماراح ارجع لين اسويها
قال لاااااا وانا رافض قلت اسويها برضاك احسن من اني اسويها وانت موب راضي لاني ناااااويه
واتصل في امي كان تبي تسوي عمليه خطيره وانا اخلي مسؤوليتي قالت امي يعني موافق قال بكيفها بس تراها مصررره وانا مالي دخل
اعتبرتها موافقه منه رحت للدكتور كان يوم الخميس قلت ابي اسوي التكميم اللي هو يقصون المعده قال تحاليل واشعه في يوم واحد اسويها لك واليوم اللي بعده العمليه 😬 ماتوقعت بسرعه كذا
استخرت وقلت تم ودفعت مبلغ العمليه وامي واخواني ماقصروا وقفوا معي
طلعت التحاليل كل شي تمام وارسلت لزوجي موعد العمليه اليوم والساعه رد قال مصره قلت ولابتراجع بس ابي رضاك عشان اسويها قال بالتوفيق
تم كل شي سريع سريع ماتوقعت في يومين اسويها ورحت للموعد وكنت صايمه لازم قبل العمليه ب٢٤ ساعه
لبست ليس العمليات وحسيت بخوف فضيع لكن متماسكه قدام امي واخواني واول مادخلت العمليات الساعه وخده الظهر انهرررت بكاااء غير طبيعي
هدوني وقالو بسيطه ماراح تتعبين وتبنجت وسواها الدكتور وطلعت من العمليات نص ساعه استغرقت العمليه ومع الافاقه وصحصحت على الساعه ثلاث
وودوني الغرفه بصراحه فيه الم من جوا جرح احس شي غريب والم جوا البطن بس كنت عالمسكنات واعطوني فيتامينات لمده ست شهور وابر سيوله عشر ايام بعد العمليه
ومشيت شويمن بعد العمليه بساعه جلست عندهم يومين وطلعت اليوم الثالث وكنت امشي بس فيه الم وشد جوا البطن والتعليمات اني ما اصلي لمده شهر الا جالسه ولا اشيل ثقيل ابدا ولا انحني الا بعد شهر لكن انا من اسبوعين صرت اصلي عادي وانحني على خفيف وكنت اشرب فقط سوووايل لمده اسبوعين عصيرات خفيفه تفاح كيوي اناناس اي شي خفيف بعد اسبوعين بديت الشوربات وسط مش ثقيله ولاخفيفه والملوخيه واهم شي ابتعد عن مايسبب الامساك تكرمون
كان لابد هالشهر اني امشي واتحرك عشان الجلطات لاسمح الله
وبعد شهر صرت وزنت لقيت نفسي نازله ١٥ كيلو
وبعدها بدأ النزول يقل بس كنت انزل وبعد سنه من التكميم قربت من المثالي فوقت النزول صرت احاول اكل كل شوي عشان اثبت ما انزل
طلعا لابد من المشي عشان الترهل ماكنت امشي كثير نص ساعه اقسمها ربع ربع باليوم
وكنت اركز عالشمر روووعه يابنات يشد الجسم يوميا ما اقطعه
وبعد ست شهور تبدا الرياضه بس مش عنيفه انا ماسويت رياضه 😬كسوله بس كنت امشي والحمد لله
اللي وزنها كبير تسويها
كانت نقطه تغيير في حياتي صرت البس واطلع وارتحت مره مره تغيرت قياساتي ونفسيتي وصار جسمي حلوووو بس فيه بعض الترهلات لكن مش واضحه مره مره المشي نص ساعه والشمر فقطططط اعتمدته
اللي عندها سؤال تسأل
من برى البطن نسيت اقولكم فيه خمس فتحات صغيره جدا دائريه مافيه الم ابدا ابدا الالم من جوا محل قص المعده
الان بعد مرور سنه وست شهور انا طبيعيه جدا جدا
اكلي مازال محدود اذا كثرت استفرغ تكرمون واتعب
عيوب العمليه ان اول ست شهور يكون شووووي نفسيتك مش ولايد لكن اكثري استغفار واذا شفتي جسمك في نزول بتفرحين مره مره مره
ادعوا لي 🌹

بالتوفيق اختي
نصيحة اللي تبغى تنحف تسوي رياضة وتضبط الاكل
ما اشجع على قص المعدة وتغيير خلقت الله

الله يجزاك خير على المشاركة