السلام عليكم
حبيبتي اخوي عنده توحد عمره سته سنوات بس للاسف مااكتشفنا الابعد اربع سنوات كنا نراجع فيه المستشفى العسكري وكان يقولون تاخر نموهوياعمري ذكي بس مايتكلم ولايروح لحمام انتي بكرامه السنه الجايه ان شاء الله يدرس بمدرسه اختي موشرط انه من التطعيمه انا امي جاه خبر هي حامل اخر اسبوع بوفاه اخوي وانهارت من الصدمه والدكتور يقول انه اصابته بتوحد من اثار الصدمه
الله يشااااااافيهم يااااااااااارب

الله يشافي الجميع ,,انا بنتي جميله ومرحه وهاديه وتتكلم وتعرفنا وفجأه ع عمر سنه و3 او4 شهور بدأت تتغير الى ماسارت ما تتكلم ابدا وماترد
علينا ولا تطالع فينا وبديت رحله المستشفيات السمع سليم الحمد لله باقي اشعة المخ وبعدين يحولوني لد..تخاطب ..بس بديت معها الرقيه وسرت ارقيها الحمد لله تحسنت كثيير صح سارت تتكلم بس كلام مو مفهوم وترد احيانا علينا وتستنكر الناس بس لسه ماتدرك الخطر عمرها الان سنتين ونص..دعواتكم لها انه مايطلع توحد ..نسيت اقولكم انها وهي صغيره كانت تطيح كثيرررر مره اخوها يدفها ومره تتزحلق ع السراميك وكلها ع الراس...وراح اوافيكم ان شاء الله بالنتايج..

طيب ديجتال مون باين ابنك حالته بسيطة مادام تكلم وتحسن
كم عمره هو

هلا بنات وأنا بعد عندي طفل فيه سمات التوحد وأنا من سكان الخبروأسمه محمد (حمودي)عانيت الكثييرمن سلوكه
ألتحق بالمركز وعمره3سنوات والحين يدرس الصباح وبالمساء جلسات تخاطب وصعوبة التعلم وعمره الحين 5سنوات 10شهور
السنه القادمه مفروض يلتحق بالمدرسه وناويه بأذن الله أدخله مدرسه أهليه يعرف الأرقام والحروف يتكلم بحدود يعني قليل جدا ويميز الألوان وكله بفضل الله وكثرت الجلسات تحسن كثيير ولله الحمد بس أبي أفضل مدرسه بالخبر وكذالك تهتم فيه لانه كما تعرفون يبيله عنايه خاصه وأبي مساعدتكم كل الأساتذه والدكاتره يقولولي طلعيه من المركز ألحقيه بمدرسه وراح يتحسن أكثر وبيتعلم ويحتك بأطفال العاديين أحيانا أخاف عليه من الأطفاال الثانيه تأذيه أو ما يعرف يتصرف يشتري وجبته ودخوله الحمام ساعدوني بنات صارليشهر أفكر كيف بيلتحق بمدرسه ووو
ومشكوورين

انا ولدي عمره الحين خمس سنين ومتحسن ياربي لك الحمد بس مايستوعب كثير من الاشياء ويزعل بسررررعه ويعصب ويضربني انا وابوه حتى قدام الناس صحيح اني علمته كذا عيب ماما مانطقها بس اذا عصب مرة ماعليه فيني هههههههه!!
لكن هو حنون ويحب اني اضمه اول ماكان عنده مشاعر يعني اذا شاف احد تعبان او يصيح مايهتم لكن الحين لو شاف اخته تصيح يقول ماما فلانة تصيح ولا يقول اش فيك..
ام لولو انا في الشرقيه انتي وين تودين ولدك انا وديته شموع الأمل ومرتاحه مرة معهم ولو انهم بعيدين ومشوار وغالين بس هم افضل الموجود وانا قابلت وحده هناك ولدها عمره ست سنين تقول محتارة وين اوديه لسنة الجاية اي مدرسه بس تقول ان مدارس المج موزينه (على حسب كلامها ) لان زوجها راح وشاف الفصل حاطين جميع الفئات داون على توحد ويقول ماحسيته بيتحسن معهم .. لكن هي تقول باوديه مدارس الظهران لان اللي يدرسونهم بالصفوف الاوليه حريم وبيتحسن اكيد
لكن انا من خلال تجربتي بالروضه الروضات بالاول يقولون جيبيه عادي بس لما يقعد معهم شوي يقولون مرة ماينفع شوفو لكم مدرسه ثانية ...ماني مستعجلة على دراسته اهم شي يعرف يقضي حاجته ويشتري من البقالة ويفهم الكلمات اليومية جعل ربي يشفيه ويخليه لي ...