السلام عليكم
اخباركم بنات
اول مره ادخل القسم هذا لاني كنت كنت كنت نحيفة آآآآآآآآآآآآآآآآه
ولا عمري سويت ريجيم حتى بعد الولادة 4 شهور وبالكثير 6 ثم ارجع غصن البان مع ان جسمي مو معصعص لكنه حلو
والكل حاسدني عليه
الاسرار :نظام الحياة هو السر
انا ما اجلس ابدا دايما اتحرك حتى لو ابغى شي من المطبخ اجيبه على دفعات حتى ابذل مجهود اكبر
الاكل ابدا بالفاكهة والسلطة بعدين الطبق الرئيسي
افطر فطور الامير واتغدى غدا الوزير واتعشى عشا الفقير واحيانا المعدم
النوووووووووووووووووووووم يابنات والله ان كثرة النوم هي المشكلة والمشكلة الاكبر النوم في اوقات خطا
من يومي وانا انام بدري واصحى بدري حتى العطل ما فيه دوام ولاتجي 7 الا اني صاحية
مشكلتي اليوم تغير نظام عملي صرت اشتغل على الحاسب يعني كل دوامي جلسة على المكتب بدون حركة حتى الفطور اكله وانا اشتغل وطلعت لي كرشة تفشل وانا جسمي تفاحة يعني كرش وصدر بعد
المهم اني حبيت انقل لكم التجربة وادعو لي اني ارجع زي اول
على فكرة احيانا زيادة الوزن تكون مرضية واحيانا اجبارية بالوراثة مهما سويتي وانا من عيلة اكثرها سمان وزي ما قلت جسمي قابل للزيادة لكنها بشكل معقول
الله يديم علينا الصحة والعافية وترى السمنة العادية حلوة تشد البشرة وتصفيها وبالمقابل المطلوب الصحة واللياقة وليس الهيكل العظمي
الله يبارك لكم في كل خطوة وبالتوفيق
عذرا على الاطالة
صديقة أمي @sdyk_amy
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
الله يوفقك ويزرقك الي تبيه