تجربتي مع الحاله النفسيه

السلام عليكم ورحمة الله وبركاته
حبيت اتكلم واقول ومنها افضفض
اولا الحمدلله ع كل حال وبعد كل حال
وكل مايجي من الله خيره وامتحان لعبده ليمتحن صبره وايمانه والله يرزقنا الجنه جميعا
حبيت اتكلم عن اشد انواع الحالات النفسيه يمكن منكم تعرفون ومنكم مايعرف
انا كنت ماعرف صراحه اشد انواع الحالات هذي الا بعد ماتعايشت وحده من الحالات
هي بنتي بعمر الزهور جميله وحلوه تبارك الله بس مسكينه عندها حاله من الحالات النفسيه وهو الرهاب من الناس القلق التوتر بسببها صارت تشك ماعندها ثقه باحد لدرجة كان يجيها كتمه وتنميل باياديها ومستحييل تعترف بالي فيها او تاخذ الادويه وديناها لطبيبه واستمرت معاها وصارت تمام وفجاه قطعت الدوا وصارت هايجه وماتختلط باحد واهملت نفسهابشكل ملحوظ وغصبناها ووديناها والحمدلله صارت تمااام صرت احب اقعد معاها صارت تستوعب فجججاه قطعت الدوا ورجعت لنفسس الموال لنا شهرين تعبب نفسي ومجهوود الله يعين وجبناها بالسياسه لين جات معانا وتفاجا الطبيب بشكلها وحززن وتضايق انها قطعت الدوا لان كان بنختصر الطريق ونمشي صح بس الحين بدانا من الصفر والى الان مو راضية ابد
فالي ابغا اقوله انتبهو من ذي الحالات لاتستهينون فيهم تراهم مساكيين بنتي من الي فيها اش تاذيني اذيه يالله كنت اول اتعب وازعل بس الحين بدا صبري يقوى واتمنى من الله يقوي صبري اكثر ياتسب سب ماقدر انطق فيه يادعوات تدعيها علي وتلعني والعن امي وابوي وتهددني باخوها الصغير انه بتخليه بالمخدرات احيانا اقول الله يشفيك ويردك ردا جميلا واحيانا امسك غيضي واحيانا اعاقبها عشان لاتتماداى 😔وفجأه تجي وتعتذر وبتموت من الالم والحسره لانها غلطت معاي 😢💔يالله قد ايش اتالم داخليا عشانها صرت ف صراع بالبيت ههههه الحمدلله من جهه هي وتعبها ولسانها ومن جهه اخوانها واخواتها اخاف تاذيهم والحمدلله عندي بنتي الكبيره١٨سنه تساعدني ف اخوها الصغير تنتبه له وكذا
من الاخر لاتستحون تودون اطفالكم الي تعبان نفسيا الى طبيب نفسي وتشوفون اش يحتاج لاتتاخروون ف علاجهم ابد ولاتستهينون ترا متتتتعب بشكل مو طبيعي ع المريض وع الي حوله
والله يشافي بنتي ويشافي كل مرييض يارب ولايوريكم مكروه ف احبابكم وغواليكم❤️🌺