قريت ف المنتدى اكثر عن موضوع يسالون فيه البنات عن الحزام الهزاز, او التخسيس..
ف حبيت اطرح تجربتي,
اشتريت الحزام قبل سنه تقريبا وكان هزاز فقط, بدون ساونا
من شركه Body Care
صناعة صينية
وهذي صورته:
خذته بـ 120 درهم
فيه سرعة عادية, سريعة, وتلقائية.
التلقائية يعني مزج بين العادي والسريع
وقت العلاج الاساسي: عشرين دقيقة
وفيه خاصيه الحرارة بس ماستخدمها.. اخاف تسمر بشرتي..
وهذا حجمه مقارنه بالجسم:
*الصورة من النت*
ف البداية كان الهدف البطن.. استخدمه عشر دقايق تقريبا كل يوم..
بعدين حسيت بـ الم في جهة الكلى, كانه شد عضلي فـ خبرت اختي العوده بالصدفه
عوصبت على طول وقالت:
"ليش تشترينه هذا خطير..
ومنطقه البطن عند البنت حسااسه وعادي تسبب فتاق, او تحريك للرحم والمبايض.."
انا تروعت الصراحه وحسيتها نبهتني لشي كنت ناسيته..
:(
لذا وحفااظا على سلامتي, بالاخص السلامه الانثويه :06:
ركنته على جنب اكثر من شهرين.. وكل ماشوفه اتحسف عليه..
عقب قلت ليش ماستخدمه على الارداف؟
وفعلا, صرت استخدمه على اردافي وانا منسدحه قدام التلفزيون او على الانترنت..
ف البدايه عشر دقايق, وعقبها زودت المده الى عشرين دقيقه..
حسيت بشد بسيط في البشرة.. بس ماختفى السليوليت كله.. وانا مستهدفه هالمشكله من الاساس..
:09:
صار لي تقريبا كم اسبوع, واحيانا انسى او اتكاسل..
مميزاته:
سهل الاستخدام
يحرك الدورة الدمويه
صوته غير مزعج
طبعا فيه شي لازم تنتبهون له, الا وهو الحكه الجنونيه
:o
اوول ماستخدمته كنت احس بحكه غير طبيعيه, لدرجه ان الجلد يحمممر من قو الحكه..
احيانا مااكمل الوقت, كم دقيقه بس واوقف الجهاز عشان احك الجلد
بس بعد ماستمريت, ماصرت احس بحكه فضيعة, يعني على خفييييييف..
ليش نحس بحكه؟
الحكه سببها ان الجهاز يحرك الدورة الدموية, وكريات الدم لما تتصادم وتتحرك, تلامس البشرة..
ف ترسل اشارات عصبية للمخ وتبدا الحكه..
بعد الجهاز امسح المنطقة بزيت زيتون او كريم بالمرز لشد الجسم..
*الصورة من النت*
وبعد في كل استحمام,
اسوي تقشير بملح الحليب مع اي صابون مثل الطاووس المغربي..
عشان اساعد على تسريع النتيجه..
وايد اللي قالوا ماينفع الجهاز بدون رجيم او نظام غذائي,
انا مستمره على شرب الشاي الاخضر..
وماسويت رجيم لان وزني مقبول
اتمنى اني افدتكن,
دعوآتكم لي بظهر الغيب ان الله يشفيني من الاكزيما,
:26:
هم مريح مثل ماقلتي وواصفة لي دكتور شاريتة بـ380 ريال
مشكوووووووووووووورة حمستين ارجع له