بسم الله والصلاة والسلام على رسول الله
قصتي من البدايه عندي بنوته عمرها 10 سنوات الله يحفظها لي وزوجي عنده ضعف شديد جدا يعني البنت هذي جات كذا صدفه بارادة الله بعد انتظار سنتين
المهم قعدت بعدها 10 سنين ماحملت
ولما رحت المستشفى قالو عنده ضعف شديد وماراح تحملي طبيعي لانه عنده ضعف بالحركه والعدد ونسبة الحيوانات عنده 10 على ميه
طبعا ال10 سنوات بعد ولادة بنتي كلها وهو رافض يوديني المستشفى
ومو راضي يتعالج وانا حاولت بكل الطرق الين يأست فعلا انه يروح
حاولت بالشده واللين والرخا وكل انواع الاستعطاف ومافادت
10 سنين وانا ابكي واحاول فيه وهو يتهرب والا يعطيني موعد يقولي الاجازه الجايه ويخلس بي وهكذا
بالنهايه حصل على مبلغ مالي وقرر انه يتعالج
المهم فرحت كثير
رحنا للدكتور محمد السنيدي بمركز مستشارك الطبي وكان قمه بالذوق والأدب والإحترام واسلوبه حلو
والدكتور الحلو له تأثير على الزوج وبصراحه زوجي ارتحله وهذا اهم شي
وعملنا التحاليل وفعلا قاله عندك ضعف شديد وماينفع معكم الا الحقن المجهري
وان شاء الله ينفع معكم بنسبة 60 بالميه لانه زوجتك سليمه مافيها شي
وانا طرت من الفرحه انه وداني المستشفى وكان عندي امل كبير انه ربي راح يعوض صبري وراح تنجح من اول محاوله
وبدأنا علاج
بدأت بالحبوب وبعدها ابر التنشيط ومااقولكم على رحلة العلاج بالإبر فعلا رحله صعبه ومتعبه حسيت نفسي اسنفجه صرت من الإبر وساكته وفرحانه اهم شي عندي انه بدأنا علاج لاني بلحظه من اللحظات قد حسيت انه مستحيل يتعالج
المهم وجا يوم العمليه والحمد الله عملت عملية السحب
وقعدت يومين ورجعو لي 2 اجنه من الدرجه الأولى قال الدكتور نسبتها ميه بالميه وفي واحد نسبته 90 بالميه لو تبغون احقنلكم الثلاثه كلها
طبعا فضلنا انه نحقن 2
طبعا كانت عملية الترجيع لي جدا مؤلمه وتعبت فيها لان عنق الرحم عندي جدا ضيق لذلك كانت ولادتي الأولى قيصريه
وماصدقت يخلص الدكتور الترجيع بعد صراخ واه وايه واوه
المهم بدأت رحلت الانتظار للنتيجه
وكنت جدا فرحانه ومتفائله
جايوم 15 وعملت عندهم التحليل الرقمي وكانت المفاجأه انه حصل حمل ولاكن للأسف الحمل كان ضعيف ونسبته 16
كان هذا الكلام يوم الثلاثاء الي فات
وقال الدكتور حصل حمل ولاكن النسبه جدا ضعيفه
قال لازم نعيد التحليل بعد 3 ايام بس راح يقابل يوم جمعه قال خلاص تعالوني السبت لو تضاعفت النسبه ان شاء الله راح يستمر ولو نزلت راح ينزل الحمل
وانا من يوم الثلاثاء الين السبت وانا في حال مايعلم فيه الا ربي تقريبا خلاص حسيت انه راح ينزل الهرمون
لان كل التجارب الي قريتها بالنت عن انخفاض الهرمون مافائلتني بخير
لاكن كان الأمل بالله كبير
وقعدت ادعي ربي وابكي وادعي ادعي لعل الله يعوض صبري خير
زوجي كان فرحان جدا انه فيه حمل ومستغرب ليش انا قاعده ابكي
وانا اقوله النسبه ضعيفه ماتبشر بخير
لاكن كان يظل الأمل بالله كبير
قعدت ادعي ربي
يامن تقر في الأرحام ماتشاء اقر اجنتي في رحمي
وجاء يوم السبت وانا على اعصابي
حتى النوم مانمت زين
ورحت حللت وانا عامله حسابي لكل النتايج
كان عندي امل كبير ان الهرمون تضاعف لاكن بنفس الوقت قلت لو نزل ماراح انصدم هذا ابتلاء من الله ليبلوني أأشكر ام اكفر
وطلعت نتيجة التحليل ودق علي زوجي وقال اطلعي طلع التحليل
وطلعت وقلبي يدق
اول ماشفت زوجي اشر لي بحركه انه يعني لا
قلت ايش ؟
قال نزل الهرمون الضعف صار 8
قلت الحمد لله على كل حال
صحيح اني كنت متضايقه جدا بس ماحبيت اضايقه لاني حسيته متضايق اكثر وكان مره متفائل ومتأمل لدرجة انه من يوم سويت العمليه مايخليني احط رجولي بالارض ولا اقوم بالبيت كل شي هو يسويه
المهم انا قلتله خلاص احنا جايين وانا متوقعه هالنتيجه وخلينا نطوي هالصفحه ونفكر بالجايه
والحمد الله الي ساعدني بالتخفيف عنه انه كان في كثير حالات معاه بالستراحه قالو له لسا انت ببداية المشوار احنا قد سويناها لحريمنا 3 و4 و5 مرات
غالبا الاولى ماتنجح الا نادرا
ولقى واحد قاله انا هذي المره التاسعه اعملها لزوجتي
قال هو الي صبر هالرجال انه يعملها 9 مرات لزوجته راح يصبرني اعيدها لك
وان شاء الله ربي يعينك عليها
قال الدكتور اصبري 4 ايام او 6 ايام راح تنزل عليك الدوره
وانا الأن بانتظار نزولها والله يعوضني خير ويخفف عني
انا الان احاول اطوي صفحة العمليه هذي وافكر بالجايه
لاكن التجربه صعبه جدا وقاسيه عليه
وموقادره امسك نفسي من البكى
بالذات الصبح اكون لحالي فطول الوقت ابكي
وماابغى احد يشوفني ابكي اتهرب من غرفه للثانيه ماابغى انكد على زوجي وبنتي
وماابغى اطلع من البيت ولا اشوف احد
ادعو ربي يصبرني وينجحلي العمليه المقبله ان شاء الله
ان شاء الله اذا عملت العمليه الثانيه راح اجي هنا واكتب لكم تجربتي وان شاء الله تنجح
اشياء ندمت عليها ماسويتها بالعمليه الأولى
ماشربت ماء كثير واستهونت بهالنقطه
ماشربت حليب كثير لاكن المره الجايه راح اشرب اقل شي 8 اكواب مويه و3 اكواب حليب باليوم وراح اكل فواكه باستمرار
كنت مدمنه اكل الشوكلاته وماتركتها
وكنت اشرب غازات
ماواضبت على الاذكار وهي بصراحه شي مهم ويجب التحصن دائما لانه اكثر الاحيان مايتم الحمل بسبب عين او مس او حسد ولذلك ينبغي التحصن
ان شاء الله تستفيدو من تجربتي
ومعليش على الكلام مخربط شويه بس حاولت اسرد لكم القصه بسرعه
لجينه1 @lgynh1
عضوة جديدة
يلزم عليك تسجيل الدخول أولًا لكتابة تعليق.
انثـــــى
•
الله يرزقك ويرزقني من تتمنى الحمل السليم التام والذرية الصالحة السوية المعافاه يارب...
ياحياتي انتي.. الله كريم واحمدي ربك امه فيه امل كبير تحملين مره ثانية وياقلبي بنتك نعمه من رب العباد..
اكفليلك يتيم والخلفة تهل عليك من بعده ان شاء الله..
انا بعد ليا سنوات بدون اطفال.. وعمري بحياتي ماجربت الحمل
شفتي ياقلبي انك بنعمه...
هونيها حبيبتي.. انتي احسن من غيرك الله يجعلك يارب تحملين من غير ابر وعذاب قولي امين...
دعواتكم لي ربي يتمم عليا في خير وتنجح عملية التلقيخ وتتلقح بويضاتي واحمل بتوائم ذكور صالحين سليمين.. هذا الشهر
اكفليلك يتيم والخلفة تهل عليك من بعده ان شاء الله..
انا بعد ليا سنوات بدون اطفال.. وعمري بحياتي ماجربت الحمل
شفتي ياقلبي انك بنعمه...
هونيها حبيبتي.. انتي احسن من غيرك الله يجعلك يارب تحملين من غير ابر وعذاب قولي امين...
دعواتكم لي ربي يتمم عليا في خير وتنجح عملية التلقيخ وتتلقح بويضاتي واحمل بتوائم ذكور صالحين سليمين.. هذا الشهر
الصفحة الأخيرة