تجربتي مع الحلبه واسؤال عنها

بسم الله الرحمن الرحيم
السلاام عليكم ورحمة الله وبركاته

كيفكم بنات انا ابي ادخل بالموضوع على طول

موضوعي وإستفساري عن ( الحلبه )

انا إستفدت من الحلبه كثيييير بالنسبه لشعري ماشاء الله تبارك الله فرق شعري عن قبل بشكل واضح 
الحمممد لله الحمد لله أولا واخرا .. الحمد لله حتى يرضى
نعمه من ربي ولازم احمده عليها 
طريقتي اغلي الحلبه واعجنه مع الحناء والسدر وزيت الزيتون الاصلي
الحمدلله قلل من تساقط شعري بشكل كبير اكيد راح تقولون ليه ماوقف التساقط 
انا عندي نقص فيتامينات وتعالجت بس رجع النقص والدكتوره قالت لي إذا الشعر يتساقط يوميا 70 شعره هذا معدل طبيعي عشان الشعر ينمو تموت بصيله وتنبت وشعره جديده 
الحمدلله انا اقل من 70 شعره في اليوم ماشاء الله .. لك الحمد ربي
ولااتخافون من الريحه وربي مافي ريحة حلبه لان الحناء ريحته طاغيه وقويه .. بس الريحه في المنشفه ههههههه تفوح حلبه والشعر ريحة حناء ياسلاام احب ريحة الحناء 
طبعا لااني طالبه جامعيه احط الحناء كل خميس 4 ساعات فقط

اعطيتكم تجربتي مع الحلبه اللي افادت شعري 
وابي منكم خدمه بخصوص الحلبه
انا كان جسمي يهبل وطولي خيال متناسبين مع بعض ووزني مثالي ماشاء الله الحمدلله
بس بعد الجامعه والمشي الكثير نزل وزني 5 كيلو الحمدلله مازال حلو بس كل اللي يشوفني يقول ضعفانه وش فيك يحسبوني مريضه 
وبشرتي معتنيه فيها كريمات وواقي شمس وصابون نيتروجينا وقناع الشوفان للتقشير والتصفيه
بس برضوو شاحبه شربت الحلبه مع الحليب 3 اسابيع تحسنت بشرتي بس ماستحملت الطعم وماله ريحه
شربت الحلبه مع الزعتر واليانسون طعمه حلو بس الريييييييييحه تروشت أو تعطرت باقي الريحه
لو امشي ومعاي عطري برضو ريحه
تعبت معاها صراحه

عاد انا فكرت اني اطحن الحلبه واكلها مع عسل أو دبس تمر .. تنفع وتسمن وتزين البشره والا لا ؟
 اللي جربتها بليييز تقول النتيجه .. واللي تتكلم من كيفها وتكذب الله يعافيها ويسامحها ويبعد عنها هذي العاده السيئه

بعد سؤال ثاني .. فكرت اطحن حلبه مع ماء ورد واحطه في بخاخ وأرشه على وجهي .. في احد جرب هذا الشي وأفاد بشرتها نضاره ونعومه ؟ 

وبس سامحوني على طول موضوعي ههههه بس والله حبيت افيدكم واستفيد منكم ..
 دعوه منكم ان ربي يوفقني بدراستي ويسهلها علي 
والإسبوع هذا كله إختبارات < الافكار طالعه مع الإختبارات ههههه
دعواتكم ربي ييسر لي اختباراتي ويحقق لي احلامي ويحفظ امي وابوي واخواني ..

استودعكم الله :)