تجربتي مع الحمل خارج الرحم .. الله يكتب اجري ويعوضني خير 💔😩

قبل اسبوع حللت منزلي طلعت حامل الخط ماكان واضح مرة بس رحت لمستوصف وحللت رقمي وبعد ٤٨ ساعه تضاعف الرقم يعني فيه حمل المهم سوت لي سونار الدكتورة وقالت مافيه كيس ولا فيه نبض للجنين هل يبين من ٥ اسابيع فقط او اصبر اسبوعين زيادة واروح اشوف؟؟ سوت لي امس اشعه مهبليه تقول لازم احصل كيس الحمل وماحصلت شي وقالت ارجعي لي بعد كم يوم ياليت تفيدووووني
سبق ونزلت هالموضوع قبل اسبوع والله يجزاها خير اللي حاولت تهونها علي وتعطيني امل انه حمل متاخر ولازم اصبر
انا من اول ماقالت الدكتورة مابين كيس بالرحم وقلبي قارصني انه مو حمل طبيعي
جلست ٨ ايام اراجع المستوصف رايحه جايه واتواصل مع الاستشاري طبيبي في المستشفى الحكومي الى السبت بتاريخ ٩/٩ رحت للمستوصف وقالت مابين شي تعالي الثلاثاء افحصك واسوي لك تحليل دم اذا زاد الرقم ومافيه كيس فاكيد خارج الرحم ولازم احصله المهم بعد العصر مسكني الم اسفل بطني عاليمين مغص ومعه شد ماسكني مرة ما اقدر اتحرك طول معي دقيت عالطوارئ قالو تعالي حالا نكشف عليك رحت للطوارئ سزا لي الدكتور اشعة سونار عالبطن وقال الرحم فاضي لكن جنب المبيض اليمين فيه كيس احتمال يكون هو كيس الحمل اعطاني موعد اشعة مع الاخصائي الاحد الظهر جيت عالموعد فحصني سونار عالبطن ومهبلي وتبين انه كيس خارج الرحم وفيه نبض كلم دكتور النساء وقال ارسلها للطوارئ لازم تنظيف قلت الحمد لله على كل حال ولعله خيرة على اساس باخلص اجراءات التنويم للتنظيف
بعد مارحت للطوارئ قابلت الطبيبة المناوبة قالت لا عمليتك قيصري انا هنا انهرت ومت من البكى😭😭😭
تذكرت ولادتي الثالثه والاخيرة عملية كان خياطهم لي سيء ودبابيس نفس حقت الورق وطولت ما التئمت الله لايسامحهم قالت لا انا اخيط لك تجميلي قلت مابي عملية وحاولت تقنعني هي وزوجي لحد ما رضيت مو عن قناعه لكن اجباري مافيه حل ثاني سويت العملية في الحال تقول لان حالتك طارئة وخطر ينفحر في بطنك شالو الميس والاتبوب معه لاته داخل الانبوب الايمن جنب المبيض
الحمد لله على كل حال اتمنى ترفعون الموضوع ليستفيدو من تجربتي البنات وعسى اللي مر فيني مايمر على وحده منكم لكن تجربتي حبيت انقلها لكم فنصيحه لاتهملو انفسكم اول ماتعرف الوحده انها حامل لازم تراجع تتطمن بس بعدها خذي ادويتك بالبيت الى ماتنتهي الازمه
الاعراض اللي حسيت فيها نزيف قبل اكتشف الحمل باسبوعين كان لونه بني غامق استمر ثلاث ايام بعده باسبوعين نزل نفس الشي بس بعد يومين تغير لونه للاحمر
واحس بالم اسفل كتفي والم لسفل ظهري
والم بصدري نفس الم الصدر بداية الحمل الطبيعي
وكان ينزل معي الضغط وادوخ وهذا العرض اول مرة يمر علي في الحمل وعسى ربي يعوضني من عنده خير