تجربتي مع الحمل ونجحت بفضل من الله

٦ سنوات عالجت وكشفت قالوا هرمون و قالوا لازم تخففين من وزنك وقالوا معك اكياس وتكيسات و قالوا ....وقالوا ......وقالو ......!
واستخدمت من العلاجات شعبيه و مستشفيات
ولا شفت اي نتيجه سبحان الله ... صار معي نزيف و دورتي من ٧ ايام صارت ١٥ يوم .. تعبت نفسيا و جسديا ...


توكلت على الله من سنتين ورزقني الله بالحمل ٣ شهور و اجهضت وثم حملت ولله الحمد بدون اي مشاكل ....
العلاج :
١/ وكلي امرك لله عزوجل بأن الله هو الرازق والمعطي ....
٢/ نفسيا لا تفكرين بالحمل أبد ، اشغلي بالك بالحياة وبالبيت ....
٣/ تصدقي يوميا او شبه يومي ، لو علبة مويه علقيها بشجره بالشارع ، او بقيا الغداء من عظام و لحم حطيها جنب زباله او اشتري بسكوت وزعيها على الأطفال ...او ... او .... الخ
٤/ اخر الجمعه ، بين الاذان والاقامه ، وقت المطر ، قولي ( يارب بشرني بما يسرني و ارزقني من حيث لا احتسب و ارزقني بالحمل السليم المعافى حسن الخلقة والخلقه واجعله بار بي و من اهل الصلاح والتقوى ) ....
٥/ اخلطي ( فنجال شمر _ فنجال كمون _ فنجال حلب _ فنجال حبة البركه _ فنجال يانسون ) بعلبه ...
اطبخيه مثل الشاهي واشربيه وقت الدوره الصبح ، والعصر بردقوش ... انا هنا استخدمته ٣ شهور شهر ( ٥_٦_٧ ) وجتني الدوره مرتين بشهر ٧ وتوقعت انه ملخبطه ماانتبهت الا انا حامل لاكن صار معي نزيف والام و غيرهن لين اجهضت بشهر ١٠ والحمدلله ...
بعد اجهاضي وقفت الخلطه وصرت بكل دوره اشرب ( كوب شيح ومره بردقوش ومره مرمريه ومره كمون) ....
والحمدلله بعد ٥ شهور طلعت حامل بالله دعواتك بالثبات و اني اقوم بالسلامه ...
ملاحظه / يابنات النفسيه لها دور يعني اذا قربت موعد الدوره لاتفكرين فيها نزلت او مانزلت طنشي .
وايضا بالدعاء دايم على لسانك ، وانتبهي اذا فيه ذنب تسوينه ابتعدي عنه مثل ( الاغاني _ الغيبه _ كثر الشراء _ والضحك بالناس _ مقاطع غير نظيفه وغيرهن )
زيني علاقتك بربك و احسني النيه وباذن الله ربي بيرزقك باللي تتمنينه ...