http://forum.hawaaworld.com/showthread.php?t=1026576
ولله الحمد البنات ما قصروا وتكريما لهم ولجهودهم جيتكم اليوم بتجربتي وانشاء الله تستفيدوا من بعدي
بالاول خديت نص كأس جبن حجم كبير من الحنة و خليته في بادية رووب فاضية
طبخت شاي مع كركديه لين ما صار بني محمر و بردته ، طبعا ما عندي صبر ووقت فأضفت قطع ثلج علشان تبرده اسرع
وصبت الشاي بالكركديه على الحنة واني اقلب
بعدين اضفت عصير نص ليمونة
اضافة لملعقتين من (( ميسو )) الخاص بالحنة
عجنته لين ما حصلت على الخلطة المناسبة في القوام طبعا لآن حضرتي مو عجولة ابد فقلت خل اجرب اذا اللي سويته زين لو لا و حطيت نقطة على يدي وتركتها لين ما جفت و غسلتها وطلعت تشدي فستيقنت ان شغلي مضبط
الحنة اللي عجنته لازم اتركه يتخمر لمدة ساعتين وعلى هالاساس اني تركته ورجعت ليه بعد طلعتي و سويت لي منه قمع
الحنة و انحلت مشكلته
جيت للنقش ولاني ما اجيد النقش المتفنن مثل الخبيرات في عالم الحنة كان المفروض ان امشي روحي بالموجود و الموجود حاليا هي نقوش الحنة الجاهزة اللي تجي في صورة ملصقات
وبعد ما غسلت يدي صرت الصق الستيكرات بالطريقة اللي احس انها بتعطي صورة نقش مناسبة
وباستخدام القمع اللي اني سويته صرت اعبي الفراغات
وأول ما جف شلت الملصقات
وغسلت يدي و طلع لي هاللوان
طبعا ما يأست من اللون لان اللون الاحمر الداكن اللي اطمع في الحصول عليه لازم اصبر عليه ليوم ثاني ، وبالفعل هذا اللي طلع وياي الصبح ، لون احمر اشحلاته
وبالليل اول ما جفت اليد اليسرى واللي حنيتها باليمنى وبعد ما غسلتها عملت الشي نفسه في اليد اليسرى
وهذا هو اللون والشكل اللي طلع
وخل تستانس بنوتتي اليوم بعد ما احنى اياديها ورجايلها واطلعها عرووس
وبهذا حليت مشكلة شي اسمه حنة و صار المجال اكبر ان تتحني بنوتتي في اي وقت تصنف عليه