والحمدالله من بديت اعتني فيه ووايد تحسسسسسسسسسن
وفعلا مالقيت على الحنه والسدر
وصرت خبره فيها لان صار لي اكثر من السنه استعملها
* اولا قصي الاطراف الميته من شعرك والحمدالله انا قصيت اطرافه لانها كانت خشنه ويابسه وميته مالها علاج
وراح اتكلم عن النقاط اللي جربتها واستفدت منها وبدون ترتيب لاني قاعده اكتب اي شي اتذكره :)
* الحنه اذا ماتبين تطلع ريحتها حطي معاها نسكافيه
* واذا تبين لونها احمر وثابت اكثر حطي معاها قشر الرمان
* والاهم ما تنقعونها وايد يعني من ساعتين الى 3 ساعات وايد زين واذا نقعتيها غطيها
ولاحظة اذا نقعتها مدة طويله ماتعطيني لون حلو ويروح مفعولها
* والبيض اذا تبين تحطينه مع الحنه حطيه اخر شي مو مع التنقيع مع اني ماحب البيض
* والحكه تصير اذا ماغسلتي شعرج عدل ....
بالاول غسلي شعرج بس بالماي وحمام الزيت
وبعدها دهنيه وخليه لمدة ساعه .... وبعدها اغسليه بالشامبوووو وحطي حمام زيت على الاطراف
* ودايم دايم امسحو شعركم وهو مبلول بمسحة دهن اي دهن تحبونه لشعركم يعطي لمعه وترطيب
* والافضل تحطين مع الحنه سدر .... وتعجنينها بالشاي الحار .... وخليها تنقع ساعتين بس واستعمليها
* وقشور الرمان وايد ممتازه لتساقط الشعر ولاعطاء لون احمر وايضا تثبت لون الحنه
ياكثر الرمان وقشوره اكلي واستفيدي ... وحطي قشسوره بالشمس حتى تنشف وبعدها اطحنيه واستعمليه
* والخل مع الحنه يوخر القشره من استعمالين له تختفي القشره جربتها على بنتي كانت متروسه قشره
* الحنه اذا حطيتها بشعرج خلي شعرج مكشوف .... واخر ساعه غطيه بالنايلون عشان تترطب وترد تصير لينه وتطلع من الشعر اثناء غسلها .... بس لا تغطين شعرج بالنايلون مدة طويله
واذا ملزمه تغطينه افضل تغطينه بالقماش لان الرطوبه والنايلون تضعف الشعره وتخليها تضعف وتطيح
* انتبهوا من المكيف والجو البارد
* لاتخلون الحنه بشعركم مده طويله تكفي من ساعتين الى اربع ساعات ولاتزيد عن اربع ساعات
* وحلو انج تعجنين سدر وروب .... او سدر مع ماي مع اشوي زيت .... وتحطينه بشعرج .... والسدر يكفي تنقعينه لمدة ربع ساعه او نص ساعه ....
* الحنه ممكن تحنين شعرج كل اسبوعين ..... او اسبوع حنه واسبوع سدر .....
* ولازم ترطبين شعرج بعد السدر لانه ينشف الشعر اكثر من الحنه
* السدر لا تحطينه على كل شعرج حطيه بس على الجذور عكس الحنه اللي تنحط على كل الشعر من الجذور الى الاطراف
* الحنه الزينه تبين من ريحتها .... ولونها الاخضر الفاقع ... وحطي منها باصبعج واذا صبغ بسرعه هذا معناها ان الحنه زينه
* السدر لونه اخضر وشاهب وافضل نوع هو اليمني .... ريحته حلوه .... ويصير لزج لما تخلطينه مع الماي ويطلع رغوة
* قسمي شعرك وحطي فيه الحنه وخلي معاك مشط اسنانه واسعه ومشطي شعرك .... ومن نفسه راح يتفرق الشعر وهذا يساعد انج تحطين عليه الحنه بالفرشه ويتوزع اكثر ..... ولفي شعرك او ظفريه .....
* اكياس ملابس المصبغه ... اكياس النايلون .... قصي منها مكان للرقبه ... والبسيها اثناء وضع الحنه .... وبعدها قصيها وانزعيها عنك وارميها ...
واذا تذكرت شي بقوله لكم