كيفكم يا حلوين
انا حابه اطرح تجربتي مع الدكتوره ناديه بكل التفاصيل لاني حابه اساعد كل وحدة ناويه تسوي عمليه تجميل
وانا عارفه احساس كل وحده تبغا تستفسر عن الدكتور وتدور وماتلاقي شئ مرره يخوف ويحير
طبعا انا صدري قبل الحمل والولاده كان مقاس bبس ما كان مترهل وكنت ابغا اكبر صدري وقلت ااجل الموضوع الين ما اولد وارضع
طبعا لما حملت صدري سارcوسرت مرره مبسوطه وقلت ماني مسويه عمليات ولاشي رضعت بنتي 4 اشهروبعد ما وقفت رضاعه يا سلاااااااااااااااااااااااااااااااااام:44: ترهل اخر حلاوة سرت مررره متضايقه من نفسي وكل ما اشوف نفسي في المرايه احس اني ابغا ابك من القهر:icon33:
انا في البدايه ما كنت اعرف الدكتوره ناديه وجلست ادور في النت الين ما سمعت عن الدكتور ممدوح عشي وقلت لزوجي رفض رفض تام لموضوع اني اسويها عند دكتور وبدات ادور علي دكتورات لقيت الدكتوره ناديه
هيا في جدة ابراج البدريه عيادات الدكتور مازن الفتياني
علي طول حجزت عندها موعد
ورحتلها انسانه اخلاقا عاليه و راقيه في تعاملها وحبوبه وتشرح لك كل شي من ايجابيات لسلبيات طبعا كشفت علي صدري وقالتلي انو عندي ترهل من الدرجه التانيه وتقول انو كتير هادا الترهل بالنسبه ليا لانو ما عندي غير بيبي واحد:04:
قالتلي انها رح تسويلي بس تكبير ولما الصدر يكبر الترهل رح يروح
وقالت انو العمليه ما تاثر علي الرضاعه بس اذا زاد وزني مرررررره كتير ونحفت مررررره كتير رح تتاثر العمليه فلازم احافظ علي وزني
وقالتلي استخير وادتني كرتها وقالتلي اتصل عليها وقت ما اقرر اني اسوي العمليه
استخرت يومين بالظبت وقررت اني اسوي العمليه وكلمتهاوقالتلي لازم اسوي تحاليل طبعا رحت سويتها واخدت النتايج ورحت للعياده ودفعت 15 الف ريال لعملية تكبير الصدر و400 ريال للبرا اللي رح البسها بعد العمليه
طبعا اتحددت العمليه ليوم السبت 23\1\2010 وبعدها بكم يوم اتصلت عليا واخرتها ليوم الخميس 28\1\2010 لانوطقمها الطبي ما كان موجود
طبعا انا كنت خايفه من حاجه وحده اللي هيا التخدير العام خفت انام وما اقوم اكيد وسمعتو عن الدكتور طارقا انا اكتشفت انو زوج اخت الدكتوره ناديه الله يرحمو
المهم يوم الاربعاء ما قدرت انام وصحيت صباح الخميس اللي هو يوم العمليه وكتبت وصيتي وجلست ابك:icon33: <<<<<<<<<تووووووحفه عايشه جو درامي ههههههههههههههههههههههه
المهم خرجت من البيت الساعه 9ونص وساعتها الدكتوره دقت عليا تتاكد اني رايحه المستشفي
رحت هناك وجاني طبيب التخدير وركبلي ابرة المغذي وسالني اسئله وبعدين راح وجات دكتوره ناديه صورتني انا في البدايه قلتلها بلاش بس قالتلي لازم ووافقت
وبعد ما صورتني رسمت علي جسمي وشرحتلي كيف حتسوي العمليه قالت انها رح تشق اسفل الحلمه وحتدخل الحشوه وبعدين رح تخيط الجرح
اتوكلت علي الله وجاتني الممرضه ادتني ابره مهدئه دكتور التخدير قلي انا احب اعطيها للمرضي عشان مايدخلو غرفة العمليات متوترين
والله سرت زي السكرانين ماني داريه عن نفسي وزوجي صورني تصوير تووووووووووووووووووحفه يموت من الضحك يسالني مين انا وانا اتنح فيه هههههههههههههههههههههههههههه
المهم دخلوني لغرفة العمليات وكان معايا دكتور التخدير جلس يكلمني الين ما نمت وفجاه صحيت لقيتهم خلاص عملولي العمليه وجلست ابكي:icon33: والدكتوره تقولي ليش تبكي وتقول للدكتور شوفها تبك وانا ماني عارفه ليش كنت بابكي مررررررررررررره تحفه امكن عشان مافي احد معايا حتي زوجي ما كان معايا
الدكتوره قالتلي انها ركبتلي حشوة رقم 300
خرجت يومهتها من المستشفي ما رضيت اجلس لاني ما احب المستشفيات ورجعت البيت
طبعا اصعب شئ اليوم الاول والتاني امشي بالحركه البطيئه ههههههههههههههههه
بس النتيجه رووووووووووووووووووووعه خيااااااااااال ماشاء الله تبارك الله
الله يسعدها ويوفقها في حياتها زي ما اسعدتني وريحتني من هادا الهم
من جد دكتوره محترفه وخبره وواثقه من نفسها
واي سؤال انا موجوده
بس المشكله في هادا المنتدي يقولي ما اقدر اشارك اكتر من 3 ردود في اليوم ما ادري ليش
jojo23 @jojo23
عضوة
يلزم عليك تسجيل الدخول أولًا لكتابة تعليق.
طيف ss
•
الحمد لله على سلامتكالحمد لله على سلامتك
الحمد لله على السلامه
بس شنوا نوع الحشوه سلكون ولا محلول ملحي
وشنوا الآفضل
بس شنوا نوع الحشوه سلكون ولا محلول ملحي
وشنوا الآفضل
مبارك عليك وعقبالي يارب
اسويها بالصحه والعافيه وتكون ناجحه يارب
بس مشكلتي زوجي رافضضضضض رفض قاطع
الله يكتبها لي اذا فيها خير لي
اسويها بالصحه والعافيه وتكون ناجحه يارب
بس مشكلتي زوجي رافضضضضض رفض قاطع
الله يكتبها لي اذا فيها خير لي
الصفحة الأخيرة
يعني صار عندك صدر هيفا اكييد
ههههههههههههه
بس لو حملتي مرة ثانية مايرجع الترهل