انا جربت عنده التلقيح الصناعي مرتين وللاسف فشلوا ثنتينهم

قبل لايجرب العملية الثانية قال خلنا نختصر احسن ونسوي الانابيب انا اعترضت وقلت لا بجرب التلقيح مرة ثانية

والحين صار على تجربتي للعمليتين تقريبا 3 سنوات بس الحين مقررة ارد ارجع عنده واجرب الانابيب مدام هو الحل الوحيد

الدنيا تجارب ولله الحمد

اختي انا الكتور هذا ماعرفه بس حبيت اقولج اذا مانتي مرتاحه لاتسوين شي

للاسف اختي كرواسان ما اقدر اتراجع

تصوري انا موقفه العلاج من سبع سنوات تقريبا لان زوجي رااااااااااااااااااااااافض العمليه

والحين وبعد الحاح مني وبالغصب رضى

ما اقدر الحين اقول له ما ابي اتعالج او ابي اغير الدكتور

ساعاتها ما اضمن متى نرجع نسويها

بعدين انا عمري 32 وعندي مشاكل الالتصاقات والاكياس الدمويه

لازم الحق عمري

بنات نفسيتي تعبانه مررررررررررره

والله والله ما اكذب عليكم من قبل يوم الوقفه للحين ماطلع من البيت ولا لبست ثياب العيد

حالتي حاااااااااااااااله ونفسيتي دمار

الله المستعان

الله يعينك ياحلا ....بس عزيزتي لازم ماترهقين نفسك كذا اطلعي غيري جو وانسي هم العمليه والعلاج شوي هيه جلسة البيت بحالها تجيب الهم وتخلي مجال للشيطان ياخدك ويوديك بافكار تدهور بحالتك النفسيه ....وكان لازم تستفسري من الدكتور كويس عن الهرمون المرتفع واثره على نجاح العمليه ....واذا كان صحيح بياثر على نجاحها لازم لازم تاخريها انتم صبرت 7 سنين وبامكانكم تصبرون كم شهر كمان افضل من انكم تخسرون ماديا والاعظم نفسيا لو لاسمح الله فشلت


والله يكتب لك الخير حبيتي اينما كان توكلي على الله وان شاء الله ماراح يردك خائبه

السلام عليكم ورحمة الله وبركاته

حلا البحرين ... الله يتمملك على خير ويرزقك بالذرية الصالحة

كنت أعمل بحث عن موضوع معين في البوابة وشدني موضوعك

حبيبتي ...أنا اتعاملت مع دكتور أحمد

السنة الماضية ... عملت عنده أول عمليه ... في زيارتي الأولى له طلب مني تحاليل كامله وكان عندي كسل في الغدة الدرقيه

كتبلي علاج التروكسين وآخذه بمقدار 125 بصراحه حسيت الجرعه كبيره ... بس أخذتها

ورحت عنده بعد شهرين وسويت تحليل وأخذته معايا على طلبه لقيت انه الهرمون انخفض جداً ... قاللي لازم نقلل الجرعه خذي 100 بس

وتعالي بعد شهرين ...طبعاً كنا متفقين معاه نعمل العملية على شهر 7 هجري

وقام أجلني لأنه كان مسافر ولما اعترضت قالي أصلاً نحتاج وقت حتى يضبط الهرمون

طبعاً أنا كنت عاملتها قبل عند دكتور محمد بقنه بالسعودية مرتين مره وقفت في مرحلة التنشيط لأن ماكان في استجابه والمره الثانية كملت بس ماطلع معايا إلا 4 بويضات وماتلقح منها إلا واحد

رحت له على بداية شهر رمضان وكنت ماشيه على الخطه الطويله ... وبديت بالتنشيط كنت آخذ كمية كبيرة من المنشطات ... ويوم السحب أخذوا مني 4 وماتلقح إلا وحده

والحمدلله على كل حال ماحصل حمل

كنت متردد أرجع عنده ... بس هو طبيب شاطر وتحسيه فاهم شغلته وأكثر مايرغبني فيه انه يجاوب على كل أسألتي وصبور علي

رجعت بعد سنه وشوي لأنه عارف خلاص اش اللي يناسبني وكم أحتاج تنشيط

اعطاني ابر تنشيط وحسيت انها أقل من العادة وبالفعل ماطلع عندي إلا ثلاث بويضات

لكن أنا كنت واصلة لمرحلة استسلام ... يعني خليه يسوي اللي يبغاه ... عارفه ليه ...لأني فوضت أمري لله وهو مابيده شي ...

علقت أملي بالله ... وربي يكتبلي الي فيه خير... أنا الآن في مرحلة الانتظار ... لا تنسيني من دعواتك

نصيحتي لك ... حاولي تاخذي موعد معاه ويكون وقت الظهر في سوط الأسبوع علشان مايكون مزحوم

وادخلي عليه وناقشيه بهدوء قوليله كل اللي متخوفه منه

وان شاء الله تلقي اللي يريحك

وتأكدي حبيبتي هو مجرد وسيلة ... والرزق من عند الله


طمنيني ايش يصير معاك