تجربتي مع الدكتور صالح عسيري للافادة

السلام عليكم
خواتي حبيت اذكر لكم تجربتي مع الدكتور صالح عسيري
بما انه دكتور جديد ومابعد صارت له سمعه كبيرة وبما اني اول مرة اتعامل مع دكتور مثله
في البداية الحمدلله انا سليمة والعيب من زوجي عنده صعف في حركة الحيوان
قبل سنة سويت تلقيح صناعي عند الدكتور ناريمان ولا نجحت
وقبل شهر سويت تلقيح مجهري عند الدكتورة زينب ابوطالب
ولا نجحت والحمدلله على كل حال
لما جاتني الدورة بعد فشل التلقيح المجهري رحت للدكتور صالح عسيري
وكان اول يوم لي في الدورة
وقلت له اني ابي اعيد الشهر الجاي التلقيح معك وشاف ملفي قال كل امورك زينة
بس ابيك تسوين اشعة وانا كنت تعباااانة الدورة بعد التلقيح تكون غزيرة
ومتعبة بس الشكوى لله سويتها
شافها قال كل شي تمام ابيك تسوين هرمونات
قلت يادكتور انا سويه تحليل للهرمونات الي هي الغدة والحليب والاف اتش
والاتش ال قبل اربعة اشهر
قال لا لازم نعيده ولاحظوا اني قايله له اني اول يوم من الدورة
وهو المفروض اسويها 2 يوم من الدورة
واروح اسويها الا سعرها اعلى من العادة الى انه طالب مني هرمونات ثانية م
اا اعرفها ولا عمر احد قال سويها
قلت طيب وسويتها وصرت ذاك اليوم دافع فوق 3000 الف ريال
المهم طلعت النتائج الا القاء هرمون FHL مرتفع 22
مرررره ضااق صدري وجلست اصيح وانا اصلا نفسيتي تعبانة بعد فشل التلقيح وجسمي تعبان من الدورة
جلست اقراء والله يسعد البنات الي هنا طمنوني وقالوا انك لسى ماكله حبوب الدفستون وهي الي رفعته
وانا كنت محلله قبل 4 شهور وكان 7
المهم رحت المراجعه وشاف التحليل قالي غريبة ان هالهرمون مرتفع لان ماعندك اعراض الدورة عندك منتظمة واالتبويض زين قال متى اخر مره سويته قلت قبل 4 شهور وقايله لك قال وريني هو لما شافه قال خلاص انا ابعتمده وعيديه الدورة الجاية ولازم يكون ثانني يوم من الدورة مو اول يوم وهو طبيعي من الدفستون يرفعه
قلت في نفسي طيب اجل ليه تقولي سويه وانت عارف خسارة يعني فلوس على الفاضي وتعب نفسي الله المستعان
وقالي انتي الان امورك طيبة واذا حابه اسوي لك تلقيح صناعي قلت لا مابي ابي مجهري قال خلاص الشهر الجاي
المهم قال ابي منك اشعة صبغة وزوجك تحليل
قلت الصبغة مرره متعبة وانا مسويه قبل سنتين وتحليل زوجي عندي له قبل شهر
قال لا لازم تحليل جديدة او سوي منظار رحمي قلت لا خلاص ابسوي الصبغة والشكوى لله
المهم حجزت الصبغة امس وسوى زوجي التحليل
المهم لما طهرت من الدورة جاتني حكه في المهبل مررة قوية قلت ابروح الصباح للدكتورة قبل اروح للصبغة قالت ان عندي التهاب شديد واخذت مسحة وعطتني تحاميل وقالت مايصير تسوين صبغة لان الالتهاب شديد
اتصلت على الدكتور قالت له قال انا ماشفت نوع الالتهاب بس ابصدقك على ان دكتورات كثير يقولون فيه التهاب ولا يصير فيه لهذا خلاص سوي الصبغة الشهر الجاي والتقليح الي بعده قلت لا يادكتور انا ابي الشهر الجاي ظروفي بس تسمح الشهر الجاي قال لا ما اقدر لا بالصبغة قلت اجل اعتذر منك ابضطر اراجع مع دكتور ثاني عصب وقال براحتك
والله من اليوم وانا متحطمه واحس بضيقة مايعلم بها الا الله انصدمت في الدكتور على كل الاستغلال المادي الي سواها اخرتها علشان مايوفر فيني ولا ريال والله اني دفعت الان فوق 3500 طيب ليش كذا الله اعلم الواحد من وين يجيب الفلوس
وجلست ادعي للدكتورة زينب ابوطالب الي لما قلت لها اني مسويه هرمونات قبل 4 شهور قالت خلاص مابي اخسرك ولا يحتاج اعيدها لك
حبيت اقولكم قصتي لعل وحده تلاقي فيها الفايدة