السلام عليكم ورحمة الله
حبيت اذكر تجربتي مع الزبيب الأسود لأني استفدت منكم وأبيكم ان شاء الله تستفيدون مثلي
وأتمنى تدعون لي بتيسير عمليتي القيصري وييسر ربي أموري كلها ولكم بالمثل ان شاء الله
أولا من بداية حملي ودمي 9 أو 9 ونصف بالكثير مع اني مستمره بانتظام على حبوب الحديد ولكن ماحركت دمي
الين قالت لي الدكتوره لو ماترفعينه إلى ال 10 ونصف بنضطر ننقل لك دم خلال العملية مثل عمليتي السابقة وطلعت من عندها على طول على الحواج وشريت كيلو ونصف زبيب اسود يمني
في البيت نظفته من الأعواد والوسخ وغسلته كله وتأكدت من نظافته وان مافيه دود وحطيته بعلبه وفي الفريزر.
طريقتي:
من الليل اللي قبل أخذ مقدار كأس من الزبيب من الفريزر وانقعه في كاسين ماء الين الصباح
في الصباح أحط الزبيب بالمويه في الخلاط ومعهم برتقالة مقشره وبعدين اشخلهم واصفيهم واعدل طعمها بكمية ماء لو احتجت واقسمها مقدارين
مقدار أشربها الصباح ومقدار في الليل مع الاستمرار على حبتين فيروز اللي وصفتها الدكتوره
استمريت على هذا العصير 19 يوم وحللت دمي ورحت للدكتوره وبفضل الله طلع دمي 11 بالضبط!!! يعني ارتفع رقم ونصف في اقل من ثلاث أسابيع
طبعا الطريقه أخذتها من بنات هنا في المنتدى جزاهم الله خير وحبيت أفيد غيري بذكر التجربة
اللي معها سكر أو سكر حمل تستشير الدكتوره اول لان العصير مره حالي طعمه
اذكروني بدعوه طيبه ووفقني الله وإياكم لكل خير
يلزم عليك تسجيل الدخول أولًا لكتابة تعليق.
متجر ضي القمر
•
مشكووره ويعطيك العافيه ع ذكر تجربتك
الصفحة الأخيرة