تجربتي مع الزنجبيل الاخضر بكل أمانة

مرحبااا بنات.. كيفكن؟؟ شو اخباركن؟؟

أخيرا قررت اكتب عن موضوع الزنجبيل بعد تردد بس اللي شجعني هو حكي بعض البنات بالمنتديات اللي يكذبو واللي يقولو يستعمل لتقوية الشعر متل ما بيقولو عن زيت الزيتون وانا مجربة الاتنين وبحكيلكن تجربتي بأمانة والله يشهد على كل كلمة رح قولها..

انا طبعا اللي لاحظته انه الزنجبيل فعال اكتر بكتير عالشعرة القوية بس ما بيعني انه ما بيخفف الشعرة الخفيفة من الاساس..انا جربته على الشعر الموجود على جانبي الوجه،، بتعرفوه هيدا لي نازل من الشعر بيكون ناعم بس قوي حبتين ،، هو حلو بس انا زاعجني وحبيت اجرب عليه الخلطة...شلته بالشمع طبعا الالم بيحول..وكان عندي زنجبيل مبشور من قبل حطيته على المكان دغري بعد الشيل...

أولا: بيحرق كتييير بس احتملته مع اني دلوعة خخخ
ثانيا: طلعلي كم حبة والمنطقة خشنت بأول يومين...قمت بعد كم يوم عملت تقشير لتنعيم المنطقة بس عالخفيف لانه في حبوب وما لمستها هالحبوب حتى ما تخلي أثر..والحمدلله راحت..

المهم البنت صاحبة فكرة الزنجبيل قالت شيلو الشعر تاني مرة بعد ما يطلع ب 6 ملم،يعني طوله يكون 6 ملم، بس انا حبيت استناه ليطلع بالكامل حتى شوف النتيجة بعيني واقرر اذا رح استمر عليه او لا..والنتيجة طلع الشعر بس مو متل اول..يعني فراغات خفيييفة والشعر نفسه ماعاد قوي ولا اسود..صار اخف بكتييير حتى صديقتي لاحظت...هيدا من اول مرة

جربته تاني مرة طلع اخف من المرة الاولى بكتير الحمدلله..صحيح الشعرة طويلة وموجودة بس لونها خفيف وناعمة زي اول...وترا بكل مرة اشيل بالشمع يطلعلي حبوب ووجهي يصير احمر من الزنجبيل وحرقان لكن اتحملو وما اتعبث فيه.

بعد هيك جربته على الشفة العليا وخف بالنص عالاخررر من تالت استعمال وبالجوانب صلعت مناطق ..ولاحظت كمانة انه الزنجبيل يشتغل حلو اكتر ازا شايلة الشعر بالخيط او بالشمع يعني ما ينفع الملقاط بنوب...وعلى الشفايف يحررررق اكتر شوي من الوجه وتحسي شفايفك عم تنتفخ بس بالنسبة لي الم محتمل جدااااااا..وعلى الشفايف ما بيخلي آثار ولا حبوب ولا اي شي.

وجربته كمانة على الساقين بس مرة واحدة وما كترت الزنجبيل وتاني مرة شلته بالموس لاني كنت مستعجلة فما شفت نتيجة. واخر مرة جربته على الابط وخلطته بزيت الزيتون بس لسة ما طلع الشعر مشان اقلكم النتيجة.

وزيت الزيتون لي تقول يستعمل لتقوية الشعر انا جربته على الفخد وبالحلق والشعر صار خفيف وناعم..يعني بدهن فخدي بالزيت وبحلق عادي باتجاه نمو الشعر بعدين عكسو..صحيح بتلاقي صعوبة بالحلق شوي لانه الشعر يلزق بالموس بس نتحمل...وشعر فخدي بطلت شيلو لانه خفيف ونااااااعم والموس ما بيكثر الشعر متل ما بينحكى.... وكل هااااااااااد عن تجربة شخصية مني والله شاهد.

واي سؤال انا حاضرة حبيباتي واسفة عالتطويل..